రాష్ట్ర వ్యాప్తంగా బలోపేతమయ్యే క్రమంలో భారతీయ జనతాపార్టీ రాష్ట్ర కార్యవర్గ సమావేశం ఆదివారం సమావేశం కానుంది. వచ్చే అసెంబ్లీ ఎన్నికలలో కాషాయ జెండాని ఎగురవేయడమే లక్ష్యంగా ఈ కార్యక్రమం ఏర్పాటుచేశారు. సికింద్రాబాద్‌ పరిధిలోని బోయిన్‌పల్లి రాజరాజేశ్వరి గార్డెన్‌లో ఉదయం 10 గంటలకు ప్రారంభం కానుంది.
ముఖ్య అతిథులుగా..
భాజపా కార్యవర్గ సమావేశానికి ముఖ్య అతిథులుగా భాజపా తెలంగాణ రాష్ట్ర ఇంఛార్జ్ తరుణ్ చుగ్, కేంద్ర హోంశాఖ సహాయ మంత్రి కిషన్ రెడ్డి, రాష్ట్ర భాజపా అధ్యక్షుడు బండి సంజయ్‌తో పాటు పార్టీ ముఖ్య నేతలు ఈ కార్యక్రమంలో పాల్గొననున్నట్లు ఆ పార్టీ శ్రేణులు స్పష్టం చేశాయి.