సమ్మె విరమించిన క్యాబ్ డ్రైవర్ల ఐకాస
రాష్ట్రంలో క్యాబ్ డ్రైవర్లు తమ సమ్మె విరమించుకుంటున్నట్లు ప్రకటించారు. క్యాబ్ డ్రైవర్ల ఐకాస నాయకులు రాజ్భవన్లో గవర్నర్ తమిళిసైను కలిసి తమ సమస్యలు, డిమాండ్లు వివరించారు. అనంతరం ఈ నెల 19 అర్ధరాత్రి నుంచి తలపెట్టిన తమ సమ్మెను విరమించుకుంటున్నట్లు వారు తెలిపారు. సమ్మెకు దారితీసిన పరిణామాలు గవర్నర్‌కు వివరించామన్నారు. డిమాండ్ల పరిష్కారం దిశగా చర్యలు తీసుకోకుంటే త్వరలోనే భవిష్యత్‌ కార్యాచరణ ప్రకటిస్తామని క్యాబ్ డ్రైవర్ల ఐకాస ఛైర్మన్‌ సలావుద్దీన్‌ పేర్కొన్నారు.