ప్రాణం పోయింది..!

బస్సు డ్రైవర్​కి ఫిట్స్ వచ్చి ప్రాణాలు కోల్పోయాడు. ఆసుపత్రిలో చికిత్స పొందుతూ కన్నుమూశాడు. ఈ విషాద ఘటన హైదరాబాద్​ చందానగర్​లో జరిగింది.

చందానగర్ జాతీయ రహదారిపై ఆర్టీసీ బస్సు బీభత్సం సృష్టించింది. రెండు కార్లు ఒక ఆటో పూర్తిగా ధ్వంసం అయ్యాయి. రాణిగంజ్ డిపోకి చెందిన ఆర్టీసీ బస్సు పటాన్​చెరు నుంచి సికింద్రాబాద్ వైపు వెళ్తున్న సమయంలో చందానగర్ గంగారం బస్​స్టాప్ సమీపంలో డ్రైవర్ మల్లారెడ్డికి ఫిట్స్ వచ్చింది.బస్సు అదుపుతప్పి రహదారి పక్కన పార్కింగ్ చేసిన వాహనాల పైకి దూసుకుపోయింది.వాహనాల్లో ఎవరు లేకపోవటంతో ఎటువంటి ప్రాణనష్టం జరగలేదు. వెంటనే డ్రైవర్​ను స్థానిక హాస్పిటల్​కు తరలించారు. చికిత్స పొందుతూ డ్రైవర్ మృతి చెందాడు. చందానగర్ పోలీసులు కేసు నమోదు చేసుకొని దర్యాప్తు చేపట్టారు. మృతదేహాన్ని గాంధీ హాస్పిటల్​కు తరలించారు.