మహిళా భద్రతా విభాగంపై బ్రిటీష్ హై కమిషనర్ ప్రశంసలు

హైదరాబాద్​ డీజీపీ కార్యాలయంలోని.. మహిళా భద్రతా విభాగాన్ని బ్రిటీష్ హై కమిషనర్ ఎల్లిస్ సందర్శించారు. 'హ్యూమన్​ ట్రాఫికింగ్​'పై ఆన్ లైన్ సదస్సు నిర్వహించారు. ఈ కార్యక్రమంలో డీజీపీ మహేందర్ రెడ్డి పాల్గొన్నారు.

మానవ అక్రమ రవాణాను నిరోధించడానికి పోరాడుతున్న.. పోలీస్ శాఖకు చెందిన మహిళా భద్రతా విభాగానికి తమ సంపూర్ణ సహకారం అందిస్తామని బ్రిటీష్ హై కమిషనర్ ఎల్లిస్ తెలిపారు. హైదరాబాద్​లోని కార్యాలయాన్ని ఆయన సందర్శించారు. విభాగం పని తీరును కొనియాడుతూ.. మహిళలు, పిల్లల భద్రత కోసం చేపడుతోన్న పలు కార్యక్రమాల గురించి వారినడిగి తెలుసుకున్నారు. హ్యూమన్​ ట్రాఫికింగ్​పై ఆన్ లైన్ సదస్సు నిర్వహించారు.

ఈ సదస్సులో పాల్గొన్న డీజీపీ మహేందర్ రెడ్డి.. మానవ అక్రమ రవాణా​ అనేది అతి హేయమైన చర్య అని పేర్కొన్నారు. దాన్ని నివారించడానికి కలిసికట్టుగా పోరాడాలని సూచించారు. పోలీసులతో పాటు ఇతర ప్రభుత్వ శాఖలు, స్వచ్ఛంద సంస్థలు సమష్టిగా కృషి చేయాలని కోరారు.

ఇదీ చదవండి:తమిళ బరిలో తెలుగు వెలుగులు!