తెలంగాణ ప్రభుత్వం బోనాల పండుగను ప్రతిష్ఠాత్మకంగా నిర్వహిస్తోంది. రాష్ట్ర పండుగగా గుర్తించి అంగరంగ వైభవంగా ఏర్పాట్లు చేశామని మంత్రి తలసాని శ్రీనివాస్ యాదవ్ అన్నారు. దేవాలయాలలో పారిశుద్ధ్యం, లైటింగ్, మంచినీరు, ఇతర ఖర్చుల కోసం ముఖ్యమంత్రి చెక్కులను ఇచ్చినట్లు తెలిపారు. దేశంలో ఎక్కడాలేని విధంగా దేవాలయాలకు నిధులు ఇస్తున్న ఘనత తెలంగాణ ప్రభుత్వానికి దక్కుతుందని స్పష్టం చేశారు.
నగరవ్యాప్తంగా నాలుగువేల దేవాలయాలకు 15 కోట్లు ఇస్తున్నామని వెల్లడించారు. శ్రీ ఉజ్జయిని మహంకాళి దేవాలయంతో పాటు ఇతర దేవాలయాలకు చెక్కులు ప్రదానం చేశారు. అన్ని డిపార్ట్మెంట్ అధికారులతో సమీక్షిస్తున్నామని తెలిపారు. బస్తీలలోని ఆలయాలలో కూడా పండుగ వైభవంగా జరపాలని నిధులు మంజూరు చేశామన్నారు. గోల్కొండ బోనాలకు నాలుగు లక్షలకు పైగా భక్తులు వచ్చారని, సికింద్రాబాద్ బోనాలకు అంతకంటే ఎక్కువ భక్తులు వస్తారని తలసాని అభిప్రాయపడ్డారు.
ఇదీ చూడండి : యాదగిరిగుట్టలో 'బంగారు బాబు'..చూస్తే ఔరా అంటారు..