పేదలకు నిత్యావసరాలు పంపిణీ చేసిన మురళీధర్​రావు

హైదరాబాద్​ కార్వాన్ నియోజకవర్గంలోని గుడిమల్కాపూర్, లంగర్ హౌస్​లో భాజపా సీనియర్​ నేత మురళీధర్​రావు వెయ్యి మందికి నిత్యావసర సరకులు పంపిణీ చేశారు. ప్రజలందరూ భౌతిక దూరం పాటించాలని సూచించారు.

'ఫీడ్ ద నీడ్'​ అనే కార్యక్రమంలో భాగంగా హైదరాబాద్​ కార్వాన్ నియోజకవర్గంలోని గుడిమల్కాపూర్, లంగర్ హౌస్​లో కార్వాన్ నియోజకవర్గ ఇన్​ఛార్జి అమర్​సింగ్​ ఏర్పాటు చేసిన నిత్యావసరాల పంపిణీ కార్యక్రమంలో మురళీధర్ రావు, ఎస్సీ కమిషన్ సభ్యులు రాములు పాల్గొన్నారు. ఈ కార్యక్రమంలో సుమారు వెయ్యి మంది పేదలకు నిత్యావసర సరకులు పంపిణీ చేశారు.

కరోనా వ్యాప్తి నేపథ్యంలో ప్రజలందరూ భౌతిక దూరం పాటించాలని భాజపా సీనియర్​ నేత మురళీధర్​రావు సూచించారు. పేదలు ఆకలితో అలమటించకూడదనే ఉద్దేశంతో సరకులు పంపిణీ చేశామన్నారు.

ఇవీ చూడండి: నిత్యావసర సరుకులు అందజేసిన సభాపతి పోచారం