'భాజపా గెలుపే సమస్యలకు పరిష్కారం'

ప్రజాసమస్యలు పరిష్కారం కావాలంటే గ్రేటర్​ ఎన్నికల్లో భాజపాను గెలిపించాలని ఆసిఫ్​నగర్ అభ్యర్థి లావణ్య అన్నారు. ఎన్నికల్లో హామీలిచ్చి మరిచిపోవడమే ఎంఐఎం కార్పొరేటర్లకు తెలుసని ఆమె విమర్శించారు.

జీహెచ్ఎంసీ ఎన్నికల్లో గెలుపే లక్ష్యంగా భాజపా ఆసిఫ్​నగర్ అభ్యర్థి లావణ్య ప్రచారం నిర్వహించారు. డివిజన్​లోని పలు ప్రాంతాల్లో పాదయాత్ర చేసి ప్రజా సమస్యలను తెలుసుకున్నారు.

గతంలో ఎంఐఎం కార్పొరేటర్ హామీలను గాలికొదిలేశారని ఆమె అన్నారు. వరదసాయం ప్రజలకు సక్రమంగా అందజేయలేదని తెలిపారు. భాజపాను గెలిపిస్తే డివిజన్​లో ప్రతి సమస్యను పరిష్కరిస్తానని హామీ ఇచ్చారు. మీ అమూల్యమైన ఓటును వేసేముందు ప్రజలు ఆలోచించాలని లావణ్య విజ్ఞప్తి చేశారు.

ఇదీ చూడండి:సైకిల్ తొక్కి కార్యకర్తల్లో ఉత్సాహం నింపిన బండి సంజయ్