వ్యాపారంలోనే కాదు సామాజిక బాధ్యతలను నిర్వర్తించాలని.. కెనరా బ్యాంక్ ఏజీఎమ్ భాస్కర చక్రవర్తి అన్నారు. హైదరాబాద్ మొజంజాహి మార్కెట్లోని ఎన్ఆర్ఐ శాఖ ఆధ్వర్యంలో బ్యాంకు అధికారులకు, ఉద్యోగులకు, ఖాతాదారులకు ఉచిత వైద్య శిబిరం నిర్వహించారు. వ్యక్తిగత, గృహరుణాలు, ఫిక్స్డ్ డిపాజిట్లపై వడ్డీ శాతం, తదితర పథకాలపై బ్యాంకు ఖాతాదారులకు అవగాహన కల్పించారు. 10 లక్షల 59 వేల కోట్ల రూపాయల వ్యాపారంతో కెనరా బ్యాంక్ అగ్రగామిగా దూసుకువెళ్తుందని, 329 కోట్ల రూపాయల నికరలాభం ఉందన్నారు. పలు పథకాలను, సేవలను వినియోగించుకోవాలని కోరారు. ఈ కార్యక్రమంలో డీజీఎం వెంకట్ రెడ్డి , బ్రాంచ్ మేనేజర్ కృష్ణ మోహన తదితరులు పాల్గొన్నారు.
కెనరా బ్యాంక్ సామాజిక బాధ్యత..!