bandi sanjay fires on cm: కేసీఆర్ పాలనలో సరిగా విధులు నిర్వహించలేకపోతున్నామని పోలీసులు బాధపడుతున్నారని భాజపా రాష్ట్ర అధ్యక్షుడు బండి సంజయ్ పేర్కొన్నారు. సీఎం తన పాలన గురించి ఒక్కసారి ఆత్మవిమర్శ చేసుకోవాలన్నారు. హైదరాబాద్లోని కర్మన్ఘాట్ హనుమాన్ ఆలయాన్ని బండి సంజయ్ దర్శించుకున్నారు. అనంతరం ఆయన మీడియాతో మాట్లాడారు.
ప్రసిద్ధిగాంచిన కర్మన్ఘాట్ ఆంజనేయ స్వామిని దర్శించుకోవడం ఆనందంగా ఉందని బండి సంజయ్ తెలిపారు. వేద మంత్రోచ్ఛారణల నడుమ స్వామి వారికి ప్రత్యేక పూజలు నిర్వహించారు. అనంతరం మహిళలకు మహిళా దినోత్సవ శుభాకాంక్షలు తెలిపారు. పారిశుద్ధ్య కార్మికులకు చీరలు పంపిణీ చేశారు.