రాజీవ్‌గాంధీ అంతర్జాతీయ విమానాశ్రయానికి అవార్డు

14:08 August 09

ఉత్తమ విమానాశ్రయంగా రాజీవ్​ గాంధీ ఎయిర్​పోర్ట్​

మధ్య ఆసియాలో ఉత్తమ ప్రాంతీయ విమానాశ్రయంగా శంషాబాద్​ రాజీవ్ గాంధీ అంతర్జాతీయ విమానాశ్రయం నిలిచింది. ఈ అవార్డును వరుసగా మూడో ఏడాది కూడా దక్కించుకున్నట్లు జీఎంఆర్ ప్రైవేట్ లిమిటెడ్ ప్రకటించింది. 2021 స్కైట్రాక్స్ వరల్ట్ ఎయిర్ పోర్టు అవార్డుల కార్యక్రమంలో ఈ పురస్కారాన్ని అందుకుంది.  

ప్రపంచ టాప్ 100 విమానాశ్రయాల జాబితాలో  హైదరాబాద్ విమానాశ్రయం 64వ స్థానానికి ఎగబాకినట్లు జీఎంఆర్​ ప్రకటించింది. 2020లో ఈ జాబితాలో 71వ స్థానంలో ఉండగా... ఈ ఏడాది 64వ స్థానానికి చేరింది. శుభ్రత విషయంలో 3వ స్థానం, ఎయిర్ పోర్టు సిబ్బంది విషయంలో 4వ ర్యాంకు, ఆసియాలోని ఉత్తమ విమానాశ్రయాల్లో 6వ స్థానంలో నిలిచినట్లు జీఎంఆర్​ తెలిపింది. జీఎంఆర్ నిర్వహిస్తోన్న దిల్లీలోని ఎయిర్ పోర్టు.... వరుసగా మూడో సంవత్సరం భారత్, మధ్య ఆసియాలో ఉత్తమ విమానాశ్రయంగా నిలిచిందని ప్రకటించింది. 

ఇదీ చదవండి:కోయంబత్తూర్ టెక్నాలజీ సాయం.. ఎట్టకేలకు అంతయ్య మృతదేహం లభ్యం