ఓయూలో అంబేడ్కర్​ పరిశోధన కేంద్రం ప్రారంభం

ఓయూలో అంబేడ్కర్​ పరిశోధన కేంద్రాన్ని యూజీసీ మాజీ ఛైర్మన్ సుకుదేవ్ తరోట్, ఎస్సీ కమిషన్ ఛైర్మన్ ఎర్రోళ్ల శ్రీనివాస్ ప్రారంభించారు. ఉస్మానియా గ్రంథాలయానికి అంబేడ్కర్​ లైబ్రరీగా నామకరణం చేశారు.

పరిశోధక విద్యార్థులకు అందుబాటులో ఉండే విధంగా ఓయూలో అంబేడ్కర్​ పరిశోధన కేంద్రాన్ని ప్రారంభించారు. ఈ కార్యక్రమానికి యూజీసీ మాజీ ఛైర్మన్ సుకుదేవ్ తరోట్, తెలంగాణ ఎస్సీ కమిషన్ ఛైర్మన్ ఎర్రోళ్ల శ్రీనివాస్ హాజరయ్యారు. భారత దేశం గర్వించ దగ్గ వ్యక్తి, స్వేచ్ఛ సమానత్వాలను కల్పించిన మహనీయుడు అంబేడ్కర్​ అని ఎస్సీ కమిషన్ ఛైర్మన్ ఎర్రోళ్ల శ్రీనివాస్ కొనియాడారు. ఆయన పేరుమీద పరిశోధన కేంద్రాన్ని ఏర్పాటు చేయడం సంతోషకరమన్నారు. కార్యక్రమంలో ఓయూ వీసీ ఆచార్య రామచంద్రం, ఆచార్య లింబాద్రి, సిబ్బంది పాల్గొన్నారు.

ఇవీ చూడండి: మోదీ పాలన విద్వేషం, వైఫల్యాలమయం: రాహుల్