ఇంటర్ ఫలితాల్లో అవకతవకలపై ఈనెల 11న ఇందిరా పార్కు వద్ద నిరసన దీక్ష చేపట్టనున్నట్లు అఖిల పక్ష నేతలు తెలిపారు. దీనికి సంబంధించిన గోడ పత్రికలను హైదరాబాద్లోని సీపీఐ రాష్ట్ర కార్యాలయం మఖ్థూం భవన్లో ఆవిష్కరించారు. ప్రజలు దీక్ష విజయవంతం చేయాలని కోరారు. ప్రభుత్వం విద్యార్థుల భవిష్యత్తుతో ఆడుకుంటోందని విమర్శించారు.
అవి ప్రభుత్వ హత్యలే
ఇంటర్ ఫలితాల్లో అవకతవకల వల్ల ఆత్మహత్య చేసుకున్న విద్యార్థులు మరణాలు ప్రభుత్వ హత్యలేనని సీపీఐ నేత సుధాకర్ ఆరోపించారు. కేసీఆర్కు పార్టీ ఫిరాయింపుల మీద ఉన్న శ్రద్ధ విద్యార్థుల భవిష్యత్తు మీద లేదని ఎద్దేవా చేశారు.
ప్రభుత్వం సమస్య వచ్చినపుడు తప్పించుకునే ధోరణి కనబరుస్తుందని కాంగ్రెస్ అధికార ప్రతినిధి అద్దంకి దయాకర్ విమర్శించారు. తప్పులకు బాధ్యతగా విద్యాశాఖ మంత్రి జగదీశ్రెడ్డిని బర్తరఫ్ చేయాలని డిమాండ్ చేశారు.
విద్యార్థులకు ప్రతి ఒక్కరూ అండగా నిలవాల్సి ఉందని అఖిలపక్ష నేతలు అన్నారు. విద్యా వ్యవస్థ విలువల్ని కోల్పోయే స్థితికి చేరుకుందని ఆవేదన వ్యక్తం చేశారు.
ఇదీ చూడండి : ఆ ఇంట్లో దెయ్యాలు ఉన్నాయా..లేవా..!