కేంద్ర వ్యవసాయ చట్టాలకు వ్యతిరేకంగా దిల్లీ సరిహద్దులో రైతులు చారిత్రాత్మక పోరాటం చేస్తున్నారని అఖిల భారత వ్యవసాయ కార్మిక సంఘం ప్రధాన కార్యదర్శి బి వెంకట్ అన్నారు. కార్పొరేట్ శక్తులకు లాభాలను చేకూర్చే వ్యవసాయ చట్టాలను రద్దు చేయాలని డిమాండ్ చేశారు. హైదరాబాద్లోని ఆర్టీసీ క్రాస్రోడ్డులోని వ్యవసాయ సంఘం కార్యాలయంలో నిర్వహించిన కార్యక్రమంలో ఆయన పాల్గొన్నారు. కేంద్ర ప్రభుత్వం అవలంభిస్తున్న విధానాలకు వ్యతిరేకంగా ఈ నెల 26వ తేదీన నిర్వహించనున్న భారత్ బంద్ను జయప్రదం చేయాలని పిలుపునిచ్చారు.
'భారత్ బంద్ను జయప్రదం చేయండి' - భారత్ బంద్కు పిలుపునిచ్చిన అఖిల భారత వ్యవసాయ సంఘం
దిల్లీ సరిహద్దులో రైతులు చేస్తున్నది దేశ భక్తి పోరాటమని అఖిల భారత వ్యవసాయ కార్మిక సంఘం తెలిపింది. కేంద్రప్రభుత్వం ప్రవేశ పెట్టిన నూతన వ్యవసాయ చట్టాలకు వ్యతిరేకంగా ఈ నెల 26న చేపట్టిన భారత్ బంద్ను విజయవంతం చేయాలని పిలుపునిచ్చింది.
'భారత్ బంద్ను జయప్రదం చేయండి'
దిల్లీలో రైతాంగం చేస్తున్న పోరాటం ఈనెల 26 నాటికి నాలుగు నెలలు పూర్తి చేసుకున్న సందర్భంగా నిర్వహించనున్న భారత్ బంద్ను అన్ని ప్రాంతాల్లో జయప్రదం చేయాలని ప్రజా సంఘాల ఐక్యవేదిక రాష్ట్ర కమిటీ పిలుపునిచ్చింది. రాష్ట్రంలో అధికారంలో ఉన్న తెరాస, ప్రతిపక్షంలో ఉన్న కాంగ్రెస్, వామపక్షాలు బంద్లో భాగస్వాములు కావాలని కమిటీ సభ్యులు కోరారు. ఈ కార్యక్రమంలో తెలంగాణ రైతు సంఘం ప్రధాన కార్యదర్శి సాగర్, సీఐటీయు రాష్ట్ర కార్యదర్శి భూపాల్, వ్యవసాయ కార్మిక సంఘం రాష్ట్ర ప్రధాన కార్యదర్శి వెంకట్రాములు తదితరులు పాల్గొన్నారు.
ఇదీ చదవండి:పొలం బాటలో ఇంజినీర్..డ్రోన్లతో వ్యవసాయం