బాచుపల్లి ఎమ్మార్వో కార్యాలయంలో ఓ వ్యక్తి నుంచి రూ. 50వేలు లంచం తీసుకుంటూ.. ఎమ్మార్వో గిరి ఏసీబీ అధికారులకు అడ్డంగా దొరికిపోయాడు. శ్రీనివాసరావు అనే బిల్డర్ తన ఇంటి నిర్మాణం విషయంలో రెవెన్యూ లొకేషన్ ప్లానింగ్ కోసం ఎమ్మార్వోను సంప్రదించగా రూ. లక్ష ఇవ్వాలని డిమాండ్ చేశాడు. ఈ విషయంపై శ్రీనివాసరావు గత నెల 31న ఏసీబీ అధికారులకు ఫిర్యాదు చేశాడు. ఫిర్యాదు మేరకు ఏసీబీ అధికారులు వలపన్ని పట్టుకున్నారు. ఎమ్మార్వోతో పాటు అతని డ్రైవర్ రూ. పదివేలు లంచం తీసుకుంటుండగా అధికారులు పట్టుకున్నారు. ఈ విషయంలో ఉదయం నుంచి బాచుపల్లి కార్యాలయంలో, ఎమ్మార్వో గిరి సొంత ఊరు సిద్దిపేట జిల్లా దుబ్బాకలో సోదాలు నిర్వహించారు. తదుపరి విచారణ నిమిత్తం ఎమ్మార్వో గిరి, అతని డ్రైవర్ అబ్ధుల్ అల్ సయ్యద్ను అధికారులు అదుపులోకి తీసుకున్నారు.
అడ్డంగా దొరికిన ఎమ్మార్వో