'స్త్రీ' మార్ట్​

మహిళలు ఆర్థికంగా ఎవరిపై ఆధారపడకుండా, స్వయంగా ఎదిగేందుకు హైదరాబాద్ మహానగర పాలక సంస్థ వినూత్న కార్యక్రమాన్ని చేపట్టింది. షీ మార్ట్​ పేరుతో చందానగర్​లో మార్కెట్​ ఏర్పాటు చేసింది.

హైదరాబాద్​ మహా నగర పాలక సంస్థ వినూత్న కార్యక్రమానికి శ్రీకారం చుట్టింది. మహిళలు ఇంటివద్ద తయారు చేసిన ఉత్పత్తులు స్వయంగా విక్రయించేందుకు వీలుగా చందానగర్​లో షీ మార్ట్​ను ఏర్పాటు చేసింది. పర్యావరణ హితమైన జ్యూట్​ బ్యాగ్స్​, ఇంట్లో తయారు చేసిన ఆహారపదార్థాలను ఇక్కడ అమ్ముతున్నారు. త్వరలో మరిన్ని రకాల పదార్థాలు, పళ్ల రసాలు విక్రయించేందుకు ఏర్పాట్లు చేస్తున్నారు. ఈ మార్ట్​లో పిల్లలకు పాలు పట్టేందుకు ప్రత్యేకంగా ఓ గది కేటాయించారు. స్త్రీలు స్వయంగా ఎదిగేందుకు ఇలాంటి కార్యక్రమాలు మరెన్నో చేపడతామని మహా నగరపాలక సంస్థ ప్రకటించింది.