నిందితులకు 3 రోజుల కస్టడీ వ్యాపారవేత్త జయరాం హత్యకేసులో పోలీసులు దర్యాప్తు ముమ్మరం చేశారు. ఈ కేసులో మరింత విచారణ కోసం నిందితుల కస్టడీ కావాలంటూ పోలీసులు వేసిన పిటిషన్కు కోర్టు పచ్చజెండా ఊపింది. ప్రధాన నిందితులైన రాకేశ్రెడ్డి, శ్రీనివాసరావులను 3 రోజుల విచారణకు అనుమతి లభించింది. వెంటనే చంచల్ గూడ జైలులో ఉన్న ఇద్దరు నిందితులను తమ కస్టడీలోకి తీసుకున్నారు.
జయరాం హత్య జరిగిన తర్వాత మేనకోడలు శిఖా చౌదరి.. తమ ఇంటికి ఎందుకు వెళ్లిందో తేల్చాలని భార్య పద్మశ్రీ పెట్టిన కేసుపై కూడా పోలీసులు దృష్టిసారించారు. విచారణ కోసం స్టేషన్కు రావాలని శిఖాకు తెలపగా.. గురువారం వచ్చే అవకాశముంది.
