ఓట్ల లెక్కింపు షురూ అయింది

తెలంగాణ శాసనసభ్యుల కోటాలో ఎన్నికల ఓట్ల లెక్కింపు ప్రారంభమైంది. తెరాస బరిలోకి దింపిన నలుగురు అభ్యర్థులు, మజ్లిస్​ నుంచి ఒక అభ్యర్థి గెలుపు లాంఛనం కానుంది.

తెలంగాణ శాసనసభ్యుల కోటాలో ఇవాళ జరిగిన ఐదు ఎమ్మెల్సీ స్థానాల ఎన్నికల లెక్కింపు ప్రారంభమైంది. కాంగ్రెస్​ పోటీలో లేనందున తెరాస(4), మజ్లిస్​(1) సభ్యుల ఎన్నిక ఖాయం కానుంది. ఉదయం 9 గంటల నుంచి సాయంత్రం 4 వరకు జరిగిన ఈ ఎన్నికల్లో 91 మంది గులాబీ ఎమ్మెల్యేలు, ఏడుగురు మజ్లిస్​ ఎమ్మెల్యేలు తమ ఓటు హక్కును వినియోగించుకున్నారు.
హస్తం పార్టీ​ ఎన్నికలను బహిష్కరించగా, తెదేపా, భాజపా దూరంగా ఉన్నాయి. ఎన్నికలను కేంద్రం ఎన్నికల సంఘం అధికారి ఐఏఎస్‌ శశాంక్‌ గోయల్‌ పరిశీలించారు.
వీరే అభ్యర్థులు..
మహమూద్ అలీ, శేరి సుభాష్ రెడ్డి, సత్యవతి రాథోడ్, ఎగ్గె మల్లేషం అభ్యర్థులను కేసీఆర్​ బరిలోకి దింపారు. ఎంఐఎం నుంచి మీర్జా రియాజ్ హసన్​, కాంగ్రెస్ అభ్యర్థి గూడూరు నారాయణ రెడ్డి పోటీలో ఉన్నపటికీ పార్టీయే ఎన్నికలను బహిష్కరించింది. దీంతో తెరాస, ఎంఐఎం అభ్యర్థుల గెలుపు లాంఛనమే కానుంది.

ఇవీ చూడండి:ముగిసిన మండలి ఎన్నికలు