పోలీసుల గులాబీ బహుమతి

వాహనం నడపడం తేలికే, కానీ భద్రత ప్రమాణాలు పాటించినప్పుడే రక్షణ..వాహనదారులకు హెల్మెట్ పై అవగాహన కల్పించడానికి భద్రాచలం పోలీసులు చర్యలు చేపట్టారు.

భద్రాద్రి కొత్తగూడెం జిల్లా భద్రాచలంలో ఏఎస్పీ సంగ్రామ్ సింగ్ పాటిల్ హెల్మెట్ పై అవగాహన కార్యక్రమం నిర్వహించారు. అంబేడ్కర్ సెంటర్లో హెల్మెట్ పెట్టుకుని ద్విచక్ర వాహనదారులకు గులాబీ పువ్వు, చాక్లెట్ అందించారు. హెల్మెట్ తో వాహనం నడపడం శ్రేయస్కారమని తెలియజేసేందుకే గులాబి పుష్పం, చాక్లెట్లు పంచామని ఏఎస్పీ స్పష్టం చేశారు. సీఐ సత్యనారాయణ రెడ్డి, ఎస్సై సంతోష్, పోలీస్ సిబ్బంది పాల్గొన్నారు.