Godavari Flood At Bhadrachalam : భద్రాచలం వద్ద తగ్గుముఖం పట్టిన గోదారమ్మ.. మూడో ప్రమాద హెచ్చరిక ఉపసంహరణ

Godavari River Water Level In Bhadrachalam : గోదావరి ఉద్ధృతి నుంచి కాస్త ఉపశమనం లభించింది. ఎగువ నుంచి వస్తున్న వరద ప్రవాహం తగ్గుముఖం పట్టింది. దీంతో మధ్యాహ్నం 55.70 అడుగుల వద్ద ఉన్న నీటిమట్టం.. సాయంత్రానికి 50.9 అడుగులకు చేరుకుంది. దీంతో అధికారులు మూడో ప్రమాద హెచ్చరికను ఉపసంహరించింది.

Godavari Flood Reduced In Bhadrachalam : రాష్ట్రవ్యాప్తంగా కురిసిన భారీ వర్షాలు, ఎగువ ప్రాంతాల నుంచి వస్తున్న వరదనీటితో గోదావరి ఉద్ధృతంగా ప్రవహిస్తోంది. భద్రాద్రి కొత్తగూడెం జిల్లా భద్రాచలం వద్ద వరద ఉద్ధృతి నానాటికీ పెరుగుతూ వచ్చి.. సాయంత్రానికి 50.9 అడుగులకు చేరింది. దీంతో అధికారులు మూడో ప్రమాద హెచ్చరికను ఉపసంహరించుకుని.. ఊపిరి పీల్చుకున్నారు. ఇప్పటికే లోతట్టు ప్రాంతాల ప్రజలను పునరావాస కేంద్రాలకు తరలించారు.

గోదావరి ముంపునకు గురైన గుండాల మండలంలో భద్రాద్రి కొత్తగూడెం జిల్లా కలెక్టర్ ప్రియాంక ఆల పర్యటించారు. ఇటీవల కిన్నెరసాని వరద ముంపునకు గురైన నర్సాపురం, కన్నాయిగూడెం, ముత్తాపురం గ్రామాల పరిధిలోని వరద బాధితులను పరామర్శించారు. వరద ప్రాంతాల సమస్యలను నష్టపోయిన వారి వివరాలను ప్రభుత్వం దృష్టికి తీసుకెళ్లి ఆదుకుంటామని బాధితులకు కలెక్టర్​ హామీ ఇచ్చారు. బాధితులకు మూడు రోజులపాటు భోజన సౌకర్యాలు కల్పించాలని మండల తహసీల్దార్​ను ఆదేశించారు.

Godavari River Water Level Reduced In Bhadrachalam : అంతకు ముందు గోదావరి వరద ప్రవాహాన్ని ఎమ్మెల్యే పోదెం వీరయ్య, కాంగ్రెస్ పార్టీ ​ సీనియర్​ నేత వీ. హనుమంతరావు పరిశీలించారు. ముంపు వాసులకు శాశ్వత పరిష్కారం చూపాలని వీహెచ్​ ప్రభుత్వాన్ని కోరారు. ఆ తర్వాత బీజేపీ నాయకులు పొంగులేటి సుధాకర్​ రెడ్డి ముంపు బాధితులను పరామర్శించడానికి వెళ్లారు. భద్రాచలంలోని జూనియర్​ కళాశాలలో పునరావాసం పొందుతున్న వరద బాధితులను ఆయన పరామర్శించారు. భద్రాచలం వద్ద గోదావరి కరకట్టను బలోపేతం చేయడంలో విఫలమయ్యారని విమర్శించారు. పునరావాస కేంద్రాల్లో తలదాల్చుకున్న వారికి సరైన సమయానికి భోజనం పెట్టడం లేదని మండిపడ్డారు.

Godavari Water Level 55.7 Feets Rise : నేటి ఉదయం నుంచి భద్రాచలం వద్ద గోదావరి 55.70 అడుగల నీటిమట్టం వద్ద ప్రవహించింది. ఈ క్రమంలో అక్కడ 15.40 లక్షల క్యూసెక్కుల నీటి ప్రవాహం కొనసాగింది. దీంతో అధికారులు మూడో ప్రమాద హెచ్చరికను జారీ చేశారు. భారీగా వరద నీరు పొంగిపొర్లడంతో.. తెలంగాణ-ఛత్తీస్​గఢ్​ ప్రధాన రహదారిపైకి గోదావరి నీరు చేరింది. దీంతో తెలంగాణ-ఛత్తీస్​గఢ్​ మధ్య రాకపోకలు నిలిచిపోయాయి.

పెరుగుతూ.. తగ్గుతూ : భద్రాచలం వద్ద ఉదయం 9 గంటల సమయంలో 54.9 అడుగులు.. ఉదయం 10.21 గంటలకు 54.7 అడుగులు, 10.24 గంటలకు 54.3 అడుగులకు గోదావరి నీటిమట్టం చేరింది. దీంతో అధికారులు మూడో ప్రమాద హెచ్చరికను కొనసాగించారు. మధ్యాహ్నం 52.6 అడుగులు, ఆతర్వాత 52.2 అడుగులకు చేరింది. దీంతో అధికారులు మూడో ప్రమాద హెచ్చరికను ఉపసంహరించారు.

ఇవీ చదవండి :