'స్వర్గీయ ఎన్టీఆర్​ ఆశీర్వాదం నాకు ఉంటుంది'

భద్రాద్రి కొత్తగూడెం జిల్లా అశ్వారావుపేటలో ఖమ్మం కాంగ్రెస్​ లోక్​సభ అభ్యర్థి రేణుకా చౌదరి ప్రచారం చేశారు. స్వర్గీయ ఎన్టీఆర్​ ఆశీస్సులు తనకు ఎప్పుడూ ఉంటాయని అన్నారు. భాజపా, తెరాసకు ప్రజలే బుద్ధి చెప్పాలని కోరారు.

స్వర్గీయ నందమూరి తారక రామారావు ఆశీర్వాదం తనకు ఉంటుందని ఖమ్మం కాంగ్రెస్​ ఎంపీ అభ్యర్థి రేణుకా చౌదరి అన్నారు. భద్రాద్రి కొత్తగూడెం జిల్లా అశ్వారావుపేటలో రోడ్​షో నిర్వహించారు. తెదేపాను మోసం చేసిన నామ నాగేశ్వర రావుకు బుద్ధి చెప్పాలని ప్రజలను కోరారు. కేసీఆర్ ప్రభుత్వం ధాన్యం కొనుగోలు కేంద్రాలు ఏర్పాటు చేయకుండా.. ఎమ్మెల్యేలను కొనేందుకు మాత్రం బాగానే ఏర్పాటు చేశారని విమర్శించారు.

రాహుల్​ గాంధీ ప్రధాని అయితే.. ప్రతి నిరుపేద ఇంటికి నేరుగా రూ.6 వేలు వస్తాయని రేణుకా తెలిపారు. భాజపా, తెరాసకు ప్రజలే గుణపాఠం చెప్పాలని కోరారు.

ఇవీ చూడండి:'తాటాకు చప్పుళ్లకు భయపడే వ్యక్తిని కాదు'