బొగ్గు ఘనుల్లో ప్రమాదాలతో కార్మికులు భయాందోళనకు గురవుతున్నారు. భద్రాద్రి కొత్తగూడెం జిల్లా జేకే ఉపరితల గనిలో శనివారం రాత్రి భారీ అగ్నిప్రమాదం జరిగింది. బ్లాస్టింగ్ చేసేందుకు అవసరమైన రంధ్రాన్ని వేసేందుకు సింగరేణి ఆపరేటర్ డ్రిల్ యంత్రంతో పని చేస్తున్నారు. గ్యాలరీ నుంచి ఆకస్మాత్తుగా మంటలు చెలరేగాయి. అప్రమత్తమైన ఆపరేటర్ యంత్రం నుంచి కిందకు దూకి దూరంగా వెళ్లాడు. ఘటనా స్థలికి చేరుకున్న అధికారులు నష్ట నివారణ చర్యలు చేపట్టారు. ఈ ప్రమాదంలో భారీగానే ఆస్తి నష్టం వాటిల్లినట్లు తెలుస్తోంది. ఈ విషయమై ఏరియా జీఎంను చరవాణి ద్వారా సంప్రదించగా స్పందించలేదు.
బొగ్గు గనిలో అగ్ని ప్రమాదం