ఇచ్చోడ సహకార సంఘంలో ఏకగ్రీవాల జోరు

ఆదిలాబాద్​ జిల్లా ఇచ్చోడ మండలంలో సహకార సంఘాల్లో ఏకగ్రీవాల జోరు నడుస్తోంది. 13 స్థానాలు ఉండగా... 5 స్థానాలు ఏకగ్రీవమయ్యాయి.

ఆదిలాబాద్​ జిల్లా ఇచ్చోడ మండలంలో ఐదు సహకార సంఘాలకు నామపత్రాల ఉపసంహరణ తర్వాత నాలుగు సంఘాలు ఏకగ్రీవమయ్యాయి. మండలంలోని మానకపూర్​లో 9, నర్సాపూర్​లో 10, జామిది మొక్రాలో 13 స్థానాలు ఏకగ్రీవం కావడం విశేషం.

ఇచ్చోడ సహకార సంఘానికి 13 స్థానాల్లో 5 స్థానాలు ఏకగ్రీవమయ్యాయి. మిగిలిన 8 స్థానాలకు ఎన్నికలు నిర్వహించనున్నారు. మొత్తం 31 మంది అభ్యర్థులు దాఖలు చేయగా... 16 మంది అభ్యర్థులు బరిలో ఉన్నారు. అందులో 10 మంది ఉపసంహరించుకున్నారు. ఐదుగురు అభ్యర్థులు రెండు సెట్ల నామినేషన్లు వేశారు. ఇలా బోథ్​ నియోజకవర్గంలోని బోథ్​ నేరడిగొండ, గుడిహత్నూర్​ బజార్హత్నూర్​ మండలాల్లో సహకార సంఘాల ఎన్నికలు కొన్ని చోట్ల ఏకగ్రీవం కాగా మరికొన్ని చోట్ల పోటీ నెలకొంది.

ఇదీ చూడండి:చైనాలో ఫ్యాక్టరీలు కూత కూయట్లేదు