ఈటీవీ భారత్​ ఎఫెక్ట్​.. ఆ పట్టాలు రద్దయ్యాయి..

ఆదిలాబాద్​ జిల్లా భీంపూర్​ మండలంలో ప్రభుత్వ భూమిని అక్రమంగా ఇతరులకు కట్టబెట్టినట్లు ఈటీవీ భారత్​లో వచ్చిన కథనాలకు స్పందన వచ్చింది. ఈనాడు - ఈటీవీ భారత్​ కథనాలకు స్పందించిన జేసీ... ఆ పట్టాలను రద్దు చేయాలని ఆదేశించారు.

ఆదిలాబాద్​ జిల్లా భీంపూర్​ మండలంలో వివిధ సర్వే నంబర్ల కింద ఉన్న ప్రభుత్వ భూములను ఇతరులకు అక్రమంగా కట్టబెట్టిన అధికార యంత్రాంగం వాటిని స్వాధీనం చేసుకునే చర్యలు ముమ్మరం చేసింది. ఇందులో భాగంగా ధారాదత్తం చేసిన 108 ఎకరాలకు సంబంధించిన పట్టాలను ఆన్‌లైన్‌లో రద్దు(అన్‌సైన్డ్‌) చేశారు. ఈ చర్యలతో సంబంధిత అక్రమార్కుల వద్ద ఉన్న పట్టాలు నిష్ప్రయోజనంగా మారనున్నాయి.

'పైసలకు పట్టాలిస్తాం... రండి బాబూ రండి...' శీర్షికతో ఈటీవీ భారత్​లో వచ్చిన​ కథనానికి స్పందించిన జేసీ సంధ్యారాణి... ఆ పట్టాలను రద్దు చేయాలని ఆదేశించారు. ఈ వ్యవహారంలో ముగ్గురు ఇంఛార్జీ వీఆర్వోలుగా ఉన్న వీఆర్‌ఏలను ఇప్పటికే బాధ్యతల నుంచి తప్పించారు. .

ఇదీ చూడండి: పైసలకు పట్టాలిస్తాం... రండి బాబూ రండి...