ఆదిలాబాద్‌ జిల్లాలో కరోనా పాజిటివ్ కేసుల సంఖ్య క్రమంగా పెరుగుతూనే ఉంది. ఇప్పటికే 15 మంది బాధితులు రిమ్స్‌ ఆసుపత్రిలో చికిత్స పొందుతున్నారు. తాజాగా జైనథ్‌, ఇచ్చోడకు చెందిన మరో ఇద్దరికి కొవిడ్ నిర్ధరణ అయింది. దీంతో మొత్తం పాజిటివ్ కేసుల సంఖ్య 17కు చేరింది.
క్షయవ్యాధితో బాధపడుతున్న ఇచ్చోడకు చెందిన ఓ మహిళ ఇటీవల వైద్యం కోసం హైదరాబాద్‌లోని ప్రైవేట్ ఆస్పత్రికి వెళ్లగా కరోనా పాజిటివ్ అని తేలింది. అక్కడ్నుంచి నేరుగా ఇచ్చోడకు తిరిగి వచ్చిన ఆమె కరోనా విషయం బయటపెట్టలేదు. విషయం తెలసుకున్న వైద్యశాఖ సిబ్బంది ఆమెను ఆదిలాబాద్‌ రిమ్స్‌ ఆసుపత్రికి తరలించారు.