అడవి పందులపై అటవీశాఖ కాల్పులు

అడవిపందులపై అటవీశాఖ అధికారులు చేపట్టిన కాల్పులు ఘటన కలకలం రేపింది. ఇది ఎక్కడో కాదు ఆదిలాబాద్​ జిల్లా కేంద్రంలోని అంబేడ్కర్​ నగర్​లో జరిగింది.

ఆదిలాబాద్​ పట్టణం అంబేడ్కర్​నగర్​లో అడవి పందులపై కాల్పుల ఘటన కలకలం రేపింది. ముందస్తు సమాచారం లేకుండా అటవీశాఖ అధికారులు అడవిపందులను చంపడం వివాదానికి దారి తీసింది. స్థానికుల ఫిర్యాదు మేరకు అధికారులు వాటిని చంపే క్రమంలో తుపాకీ గుళ్లు జనావాసాల్లో దూసుకురావటం ప్రజలను భయభ్రాంతులకు గురిచేసింది. విచారణ జరిపిన పోలీసులు ఇకపై ఇలాంటి చర్యలు పునరావృతం చేయద్దని చెప్పటం వల్ల వివాదం సద్దుమణిగింది.