కలెక్టరేట్​ ఎదుట ఆశా కార్యకర్తల ఆందోళన, అరెస్ట్

కరోనా సమయంలో వైద్యులతో సమానంగా పనిచేస్తున్న తమకు ఇన్సెంటివ్​లు చెల్లించాలని డిమాండ్​ చేస్తూ ఆదిలాబాద్ కలెక్టరేట్​ ఎదుట ఆశా కార్యకర్తలు ధర్నా చేపట్టారు. అనుమతి లేకుండా ఆందోళన చేస్తున్నందుకు పోలీసులు వారిని అరెస్ట్​ చేశారు.

ఆదిలాబాద్ కలెక్టర్ కార్యాలయం ఎదుట ఆశా కార్యకర్తలు ధర్నాకు దిగారు. అనుమతి లేకుండా ధర్నా చేపట్టారని పోలీసులు వారిని అడ్డుకొని అరెస్ట్​ చేసి.. సమీప పోలీస్​స్టేషన్​కు తరలించారు. ఘటనపై ఆశా కార్యాకర్తలు ఆగ్రహం వ్యక్తం చేశారు.

ఆశా కార్యకర్తలను అరెస్ట్​ చేస్తున్న పోలీసులు

కరోనా సమయంలోనూ తాము ప్రాణాలకు సైతం తెగించి విధులు నిర్వహిస్తున్నామని ఆశా కార్యకర్తలు తెలిపారు. తమకు ఇన్సెంటివ్​తో పాటు ఆంధ్రప్రదేశ్​లో కేటాయిస్తున్నట్లు నెలకు రూ. 10 వేల వేతనం చెల్లించాలని డిమాండ్ చేశారు.

ఇదీ చదవండి:ఆన్​లైన్ ఓనం: వేడుకల్లో అబ్బురపరిచిన చిన్నారులు