అడవుల జిల్లాలో పత్తి కొనుగోలుకు ముహూర్తం ఖరారు

ఎట్టకేలకు ఆదిలాబాద్​ జిల్లాలో పత్తికొనుగోళ్లకు ముహూర్తం ఖరారైంది. ఈనెల 6 నుంచి ఆదిలాబాద్​ మార్కెట్​ యార్డులో కొనుగోళ్లు ప్రారంభిస్తామని జిల్లా కలెక్టర్​ దివ్యదేవరాజన్​ తెలిపారు.

ఆదిలాబాద్​ జిల్లాలో ఈనెల 6 నుంచి పత్తికొనుగోళ్లు ప్రారంభిస్తామని కలెక్టర్​ దివ్యదేవరాజన్​ తెలిపారు. రైతులు, వ్యాపారులు, అధికారులతో పత్తి కొనుగోళ్లపై కలెక్టరేట్‌లో సమావేశం నిర్వహించారు. ప్రస్తుతం కనీస మద్దతు ధర కంటే పత్తి ధర బయట తక్కువ పలుకుతోందని, రైతులు సీసీఐకే విక్రయించేందుకు మొగ్గుచూపాలని సూచించారు.

తేమ శాతం 8-12 శాతం లోపు ఉండేలా పత్తిని ఆరబెట్టుకుని యార్డుకు తీసుకొస్తే మద్దతు ధర లభిస్తుందని చెప్పారు. జిల్లాలో పండే పత్తి నాణ్యత బాగా ఉంటుందని వెల్లడించారు. రైతులు ఇబ్బందుల్లో ఉన్నారని వారిని దృష్టిలో ఉంచుకుని ధర నిర్ణయించాలని వ్యాపారులకు హితవు పలికారు.

• ఇదీ చూడండి : చెట్టు ఎక్కి చిక్కాడు.. 'దళం' సాయంతో దిగాడు