18:36 July 24
హాకీలో నిరాశ...
ఒలింపిక్స్లో భాగంగా మహిళల హాకీలో భారత్ శుభారంభం చేయలేకపోయింది. నెథర్లాండ్స్తో జరిగిన పోరులో విఫలమైంది. 5-1తో ఆ జట్టుపై భారత మహిళల జట్టు ఓటమిపాలైంది. మ్యాచ్ ప్రారంభంలో నెథర్లాండ్స్కు గట్టిపోటీనిచ్చిన మహిళ జట్టు.. చివరి 30 నిమిషాల్లో చేతులెత్తేసింది. 2-1తో వెనకంజలో ఉన్నప్పటికీ, స్కోర్లను సమం చేస్తుందనే నమ్మకం అభిమానులకు కలిగింది. కానీ చివరికి 5-1తో ఓడిపోయింది.
16:23 July 24
బాక్సింగ్లో డీలా..
టోక్యో ఒలింపిక్స్ బాక్సింగ్ పోటీల్లో వికాశ్ కృష్ణన్ డీలాపడ్డాడు. పురుషుల 69 కేజీల విభాగంలో గ్రూప్ దశలోనే ఓడిపోయాడు. వికాశ్పై జపాన్కు చెందిన ఒకజావా గెలుపొందాడు.
13:02 July 24
టేబుల్ టెన్నిస్లో మనికా బత్రా విజయం..
టేబుల్ టెన్నిస్ మహిళల సింగిల్స్ తొలి రౌండ్లో మనికా బత్రా విజయం సాధించింది. గ్రేట్ బ్రిటన్ క్రీడాకారిణిపై నాలుగు వరుస గేమ్ల్లో గెలిచింది. 11-7, 11-6, 12-10, 11-9 తేడాతో చిత్తు చేసింది.
అంతకుముందు టేబుల్ టెన్నిస్ మిక్స్డ్ డబుల్స్లో శరత్ కమల్తో కలిసి ఆడిన మనికా.. చైనీస్ తైపీ చేతిలో పరాజయం పాలైంది.
12:29 July 24
షూటింగ్లో మళ్లీ నిరాశే..
షూటింగ్ పురుషుల 10. మీ. ఎయిర్ పిస్టల్ విభాగంలో భారత్కు నిరాశే ఎదురైంది. ఫైనల్లో మెరుగైన ప్రదర్శన చేయని సౌరభ్ చౌదరీ.. 7వ స్థానంతో సరిపెట్టుకున్నాడు. అంతకుముందు క్వాలిఫికేషన్స్లో సౌరభ్.. అగ్రస్థానంలో నిలవడం గమనార్హం.
12:17 July 24
టోక్యో ఒలింపిక్స్లో తొలి పతకం
ఈసారి ఒలింపిక్స్లో భారత్ తొలి పతకం సొంతం చేసుకుంది. 49 కిలోల వెయిట్ లిఫ్టింగ్ పోటీలో భారత మహిళ క్రీడాకారిణి మీరాబాయి చాను రజతం అందుకుంది. చైనా వెయిట్ లిఫ్టర్ హో జిహ్యూయి స్వర్ణం సాధించింది. ఇండోనేసియాకు కాంస్యం దక్కింది.
12:01 July 24
సాత్విక్ సాయిరాజ్-చిరాగ్ శెట్టి విజయం
బ్యాడ్మింటన్ పురుషుల డబుల్స్లో భారత ద్వయం సాత్విక్ సాయిరాజ్-చిరాగ్శెట్టి అదరగొట్టింది. చైనీస్ తైపీ జట్టుపై 21-16, 16-21, 27-25 సెట్ల తేడాతో విజయం సాధించింది.
11:47 July 24
రెండో రౌండ్కు సుమిత్ నగాల్
భారత టెన్నిస్ యువ కెరటం సుమిత్ నగాల్ అదరగొట్టాడు. తొలి రౌండ్లో ఉజ్బెకిస్థాన్కు చెందిన డెనిస్ ఇస్తోమిన్పై 6-4, 6-7, 6-4 తేడాతో గెలిచి రెండో రౌండ్కు అర్హత సాధించాడు.
11:20 July 24
ఆర్చరీ మిక్స్డ్ టీంలోనూ ఓటమి..
ఆర్చరీ మిక్స్డ్ టీం ఈవెంట్లోనూ భారత్ ఓటమిపాలైంది. క్వార్టర్స్లో కొరియా చేతిలో 6-2 తేడాతో ఓడి, ఒలింపిక్స్ నుంచి నిష్క్రమించింది.
11:00 July 24
సాయిప్రణీత్ ఓటమి..
భారత స్టార్ షట్లర్ సాయిప్రణీత్ తన ఒలింపిక్స్ తొలి గేమ్లోనే నిరాశపరిచాడు. ఇజ్రాయెల్కు చెందిన జిల్బర్మన్ చేతిలో 17-21, 15-21 తేడాతో వరుస సెట్లలో ఓడిపోయాడు.
తరువాతి గేమ్లో 29వ ర్యాంక్ షట్లర్ మార్క్తో తలపడనున్నాడు.
10:42 July 24
షూటింగ్ క్వాలిఫికేషన్లో భారత్ ధమాకా
10 మీటర్ల ఎయిర్ పిస్టల్ పురుషుల క్వాలిఫికేషన్ రౌండ్లో భారత యువ షూటర్ సౌరభ్ చౌదరి అదరగొట్టాడు. 586 పాయింట్లతో అగ్రస్థానంలో నిలిచి ఫైనల్ రౌండ్కు అర్హత సాధించాడు. మరో షూటర్ అభిషేక్ వర్మ.. 17వ స్థానంలో నిలిచి, పోటీ నుంచి నిష్క్రమించాడు.
మరికొద్ది సేపట్లో ఫైనల్ ప్రారంభం కానుంది. మొత్తం 8 మంది ఫైనల్లో తలపడనున్నారు.
09:12 July 24
టేబుల్ టెన్నిస్లో ఓటమి..
టేబుల్ టెన్నిస్లో మిక్స్డ్ డబుల్స్లో భారత ద్వయం మనికా బత్రా-శరత్ కమల్ నిరాశపరిచారు. చైనీస్ తైపీ చేతిలో 4-0 తేడాతో ఘోరంగా ఓడిపోయారు.
08:42 July 24
సుశీలా దేవి ఓటమి
భారత్ తరఫున 48 కిలోల విభాగంలో పోటీపడిన జుడో ప్లేయర్ సుశీలా దేవి.. ఎవా సెర్నోవిక్జీ చేతిలో ఓడింది. దీంతో జుడోలో భారత ప్రయాణం ముగిసింది.
08:30 July 24
హాకీలో భారత్ బోణీ..
హాకీ మ్యాచ్లో భారత పురుషుల జట్టు మెప్పించింది. పూల్-ఏ మ్యాచ్లో న్యూజిలాండ్పై 3-2 తేడాతో విజయం సాధించింది. హర్మన్ప్రీత్ సింగ్ పెనాల్టీ కార్నర్ కొట్టగా, రూపిందర్ సింగ్ పెనాల్టీ స్ట్రోక్ కొట్టి ఆకట్టుకున్నారు.
తదుపరి మ్యాచ్ ఆస్ట్రేలియాతో జులై 25న ఆడనుంది.
06:11 July 24
ఒలింపిక్స్లో భారత వేట మొదలైంది. శనివారం జరిగిన పోటీల్లో భారత ఆర్చరీ జట్టు శుభారంభం చేసింది. మిక్స్డ్ టీమ్ విభాగంలో దీపికా కుమారి- ప్రవీణ్ జాదవ్ జోడీ.. చైనీస్ తైపీపై 5-3 తేడాతో విజయం సాధించింది. దీంతో క్వార్టర్ ఫైనల్కు అర్హత సాధించింది.
షూటింగ్లో నిరాశే..
షూటింగ్లో మహిళల 10.మీ ఎయిర్ రైఫిల్ విభాగంలో భారత క్రీడాకారులు నిరాశపర్చారు. అపూర్వి చండేలా, ఎలవెనిల్ వలరివన్ ఫైనల్కు అర్హత సాధించలేకపోయారు.