ప్రపంచ నం.2గా ఉన్న స్టార్ టెన్నిస్ ప్లేయర్ నవోమి ఒసాకా.. 2020-21గానూ సంపాదనలో దూసుకెళ్లింది. ఏడాది కాలంలో అత్యధిక మొత్తం ఆర్జించిన మహిళా అథ్లెట్గా నిలిచింది. ఈమె మొత్తం సంపాదన 55.2 మిలియన్ డాలర్లు కాగా, అందులో 5.2 మిలియన్ డాలర్లు ప్రైజ్మనీ కింద అందుకుంది.
గతేడాది యూఎస్ ఓపెన్, ఈ సంవత్సరం ప్రారంభంలో ఆస్ట్రేలియా ఓపెన్లో ఒసాకా విజేతగా నిలిచింది. 'బ్లాక్ లైవ్స్' ఉద్యమానికి గత కొద్దికాలం నుంచి ఈమె బహిరంగంగానే మద్దతు ఇస్తూ వస్తోంది. ప్రస్తుతం రెండు డజన్లకు పైగా బ్రాండ్లకు ప్రచారకర్తగా వ్యవహరిస్తోంది.