మియామీ ఓపెన్​లో ప్రపంచ నెంబర్​వన్ ఓటమి!

మియామి ఓపెన్​లో ప్రపంచ నెంబర్ వన్ ప్లేయర్ నవోమి ఒసాకా ఓటమి పాలైంది. మరో క్రీడాకారిణి సెరెనా... గాయంతో టోర్నీ నుంచి తప్పుకుంది.

ప్రపంచ నెంబర్​ వన్ టెన్నిస్ క్రిడాకారిణి నవోమి ఒసాకా మియామి ఓపెన్​లో ఓటమి పాలైంది. మూడో రౌండ్​లో తైవాన్​కు చెందిన వెటరన్ ప్లేయర్ సువై చేతిలో 4-6,7-6(4),6-3 తేడాతో ఓడిపోయిందీ జపనీస్ తేజం.

టాప్ సీడ్ క్రీడాకారిణి సెరెనా విలియమ్స్ మోకాలి గాయం కారణంగా టోర్నీ నుంచి వైదొలిగింది. ఒకరోజు ముందే జరిగిన తన తొలి మ్యాచ్​లో రెబెక్కాపై 6-3,1-6,6-1 తేడాతో సెరెనా గెలిచింది.

వైదొలగినందుకు బాధగా ఉంది. హార్డ్ రాక్ స్టేడియంలో నేను ఆడటం మరిచిపోలేని అనుభవం. వచ్చే సంవత్సరం కచ్చితంగా పాల్గొని రాణిస్తాను. ఇక్కడ గడిపిన సమయం అద్భుతమైంది -సెరెనా విలియమ్స్, టెన్నిస్ క్రీడాకారిణి

పురుషుల విభాగంలో ఆల్బట్​పై 4-6,7-5,6-3 తేడాతో గెలిచిన స్టార్ ఆటగాడు రోజర్ ఫెదరర్.. మూడో రౌండ్​లోకి ప్రవేశించాడు.

రెండో సీడ్ జ్వెరేవ్ అనవసర తప్పిదాలు చేసి డేవిడ్ ఫెర్రర్ చేతిలో ఓటమి పాలయ్యడు.