యూఎస్ ఓపెన్ ఫైనల్లో నాదల్
18 గ్రాండ్స్లామ్ల విజేత స్పెయిన్ బుల్ రఫెల్ నాదల్.. యూఎస్ ఓపెన్లో అదరగొట్టాడు. సెమీస్లో ఇటలీకి చెందిన మాటియో బెరెట్టిని ఓడించి ఫైనల్కు దూసుకెళ్లాడు. న్యూయార్క్ వేదికగా జరిగిన ఈ మ్యాచ్లో నెగ్గి 5వ సారి యూఎస్ఫైనల్లో ఆడనున్నాడు.
మాటియోపై 7-6, 6-4, 6-1 తేడాతో వరుస సెట్లలో నెగ్గి ముందంజ వేశాడు రఫా. రెండు గంటల 34 నిమిషాల పాటు సాగిన ఈ మ్యాచ్లో నాదల్కు ప్రత్యర్థి నుంచి గట్టి పోటీ ఎదురైంది.
తొలి సెట్లో ఇరువురు హోరాహోరీగా పోరాడారు. అయితే రఫాను నిలువరించలేకపోయాడు మాటియో. రెండో సెట్లోనూ బలమైన పోటీనిచ్చినప్పటికీ స్పెయిన్బుల్ అతడికి అవకాశమివ్వలేదు. మూడో సెట్లో సులభంగా నాదల్కు లొంగిపోయాడు మాటియో.