ఆ విషయంలో జకోవిచ్​తో పోటీ పడుతున్న ఫెదరర్​

ఆస్ట్రేలియాలో కార్చిచ్చు, కరోనా వల్ల ప్రభావితమైన బాధితులకు భారీ విరాళాలను అందించారు సెర్బియా స్టార్​ నొవాక్​ జకోవిచ్​, స్విస్ దిగ్గజం రోజర్ ఫెదరర్. తాజా గణాంకాల ప్రకారం ఈ ఏడాది ప్రారంభం నుంచి మే వరకు ఫెదరర్​ కంటే జకోవిచ్​ అధిక మొత్తంలో స్వచ్ఛంద సంస్థలకు విరాళాలు ప్రకటించాడు.

గ్రాండ్​స్లామ్​ టైటిల్స్​ కోసం మైదానంలో పోరాడే టెన్నిస్​ స్టార్​ ప్లేయర్స్​.. సేవా కార్యక్రమాల్లోనూ పోటీ పడుతున్నారు. స్విస్​ దిగ్గజం రోజర్​ ఫెదరర్​, సెర్బియా స్టార్​ నొవాక్​ జకోవిచ్​ మైదానంలో ప్రత్యర్థులుగా దిగారంటే గెలవడమే లక్ష్యంగా ఒకర్ని మించి ఒకరు ఆడుతుంటారు. అయితే తాజాగా వీరు.. కరోనా బాధితులను ఆదుకోవడంలో స్వచ్ఛంద సంస్థలకు ​విరాళాలు ఇవ్వడంలోనూ పోటీపడుతున్నారు.

తాజా గణాంకాల ప్రకారం ఈ ఏడాది జనవరి నుంచి మే​ వరకు స్వచ్ఛంద సంస్థలకు అధిక మొత్తంలో విరాళాలు ఇచ్చిన టెన్నిస్​ స్టార్ ప్లేయర్స్​లో ఫెదరర్​ కంటే జకోవిచ్​ ముందున్నాడు.

జకోవిచ్​

ప్రపంచ నెం.1 టెన్నిస్​ ఆటగాడు జకోవిచ్..​ ఇటీవల తాజాగా ఓ ఆస్పత్రికి రూ. 42.31 కోట్లు ( 5.6 మిలియన్లు డాలర్లు) విరాళంగా ఇచ్చాడు. అయితే ఇదేమి అతడి తొలి విరాళం కాదు. కరోనా విజృంభణ ప్రారంభమైనప్పటి నుంచి విరాళాలను, ఇతరత్రా సహాయ కార్యక్రమాలను అందిస్తూనే ఉన్నాడు. తొలుత మార్చి 27న ఆ దేశ ప్రభుత్వానికి ఆక్సిజన్ సిలిండర్లను కొనుగోలు చేయడానికి 1.1మిలియన్​ డాలర్లను విరాళంగా ప్రకటించాడు. అనంతరం స్పానిష్​ రైవల్​ రాఫెల్​ నాడల్స్​ రిలీఫ్​ ఫండ్, ఇటలీ దేశానికీ భూరి విరాళాం ఇచ్చాడు.

కరోనా వైరస్ ప్రభావం​ తాకకముందు ప్రపంచవ్యాప్తంగా సంచలనం సృష్టించిన ఆస్ట్రేలియా కార్చిచ్చుపై పోరుకు ఈ ఏడాది జనవరిలో విడతల వారీగా 5లక్షల 25వేల డాలర్లను ఇచ్చాడు జకో. మొత్తంగా ఇప్పటివరకు ఈ ఏడాదిలో 7.5-8 మిలియన్​ డాలర్లను స్వచ్ఛంద సంస్థలకు విరాళంగా ప్రకటించి మంచి మనసును చాటుకున్నాడు.

రోజర్​ ఫెదరర్​

ఆస్ట్రేలియా కార్చిచ్చుపై పోరుకు జనవరిలో టెన్నిస్​ ఆస్ట్రేలియా నిర్వహించిన 'ర్యాలీ ఫర్​ రిలీఫ్'​ కార్యక్రమానికి 2లక్షల 50 వేల డాలర్లను విరాళంగా ఇచ్చాడు రోజల్​ ఫెదరర్​. అనంతరం కరోనాతో ప్రభావితమైన కుటుంబాలకు అండగా నిలిచేందుకు తన స్వచ్ఛంద సంస్థ ద్వారా విడతల వారిగా 3 మిలియన్​ డాల్లర వరకు ఇచ్చాడు. 1మిలియన్​ డాలర్​తో దాదాపు 64వేల మందికి ఉచితంగా ఆహారాన్ని పంపిణీ చేసి బాధితుల ఆకలి తీర్చాడు. మొత్తంగా జనవరి నుంచి ఇప్పటివరకు 5 మిలియన్ల డాలర్లకు పైగా విరాళాన్ని అందించాడీ స్విస్ దిగ్గజం.

ప్రపంచాన్ని కమ్మేసిన మహమ్మారి కరోనా​తో లక్షల మంది మరణించారు. అనేక మంది ఉపాధి కోల్పోయి, నిరాశ్రయులయ్యారు. ఆర్థిక వ్యవస్థ కుదేలైపోయింది. ఈ నేపథ్యంలో వైరస్​ బాధితులను ఆదుకునేందుకు 'మేమున్నాం' అంటూ ప్రపంచవ్యాప్తంగా సినీ, క్రీడా, రాజకీయ ప్రముఖలందరూ ముందుకొచ్చి తమ వంతుగా ప్రత్యక్షంగా, పరోక్షంగా సాయం అందిస్తున్నారు. స్వచ్ఛంద సేవా సంస్థల కోసం విరాళాలను సమీకరించడం, ఇవ్వడం సహా ఇతర సహాయాలూ చేస్తున్నారు.

ఇదీ చూడండి : వలసకూలీల ఆకలి తీర్చిన క్రికెటర్​ షమి