ఆదివారం జరిగిన రోజర్స్ కప్ ఫైనల్ గెలిచిన రఫెల్ నాదల్.. యూఎస్ ఓపెన్ కోసం సిద్ధమవుతున్నాడు. కానీ ఈ విజయం ర్యాంకింగ్స్లో జకోవిచ్ను అధిగమించేందుకు సరిపోలేదు. ఏటీపీ సోమవారం ప్రకటించిన ర్యాంకుల్లో సెర్బియా స్టార్ జకోవిచ్ అగ్రస్థానాన్ని కాపాడుకున్నాడు. నాదల్, ఫెదరర్ రెండు, మూడు స్థానాల్లో కొనసాగుతున్నారు.
డబ్ల్యూటీఏ మహిళల టెన్నిస్ ర్యాంకింగ్స్లో ఆస్ట్రేలియా ఓపెన్ విజేత నవోమి ఒసాకా అగ్రస్థానానికి చేరింది. గత వారం జరిగిన రోజర్స్ కప్ క్వార్టర్ ఫైనల్లో సెరెనా చేతిలో ఓడిన ఈ క్రీడాకారిణీ.. రెండో రౌండ్లో ఆష్లే బార్టీని ఓడించడం కలిసొచ్చింది.
జనవరిలో మొదటిసారి నంబర్ వన్ స్థానాన్ని పొందింది జపాన్కు చెందిన ఒసాకా. ఆస్ట్రేలియా, యూఎస్ ఓపెన్ గెలిచిన తొలి జపాన్ క్రీడాకారిణీగా ఘనత సాధించింది.