ఫ్రెంచ్ ఓపెన్ మూడో రౌండ్ గెలిచిన రోజర్ ఫెదరర్ 14వ సారి ప్రీక్వార్టర్స్ చేరాడు. మరో స్టార్ రఫెల్‌ నాదల్‌ (స్పెయిన్‌) 12వ సారి టైటిల్ కోసం ప్రీక్వార్టర్స్‌లో అడుగుపెట్టాడు.
- శుక్రవారం జరిగిన పురుషుల సింగిల్స్‌ మూడో రౌండ్లో మూడో సీడ్ ఫెదరర్ 6-3, 6-1, 7-6 (10-8)తో నార్వే టీనేజర్‌ కాస్పర్‌ రూడ్‌ను ఓడించాడు. తొలి రెండు సెట్లలో పెద్ద కష్టపడకుండానే గెలిచిన రోజర్‌కు మూడో సెట్లో రూడ్‌ నుంచి అనూహ్య ప్రతిఘటన ఎదురైంది. టైబ్రేకర్‌కు మళ్లిన ఈ సెట్లో.. 7-6 (10-8)తో గెలిచిన ఫెదరర్.. సెట్‌తో పాటు మ్యాచ్‌ గెలుచుకున్నాడు. ఈ మ్యాచ్‌లో రోజర్ 11 ఏస్‌లతో పాటు 52 విన్నర్లు కొట్టాడు. ఐదుసార్లు ప్రత్యర్థి సర్వీస్‌ బ్రేక్‌ చేశాడు. ఫెదరర్- కాస్పర్‌ రూడ్‌ పోరు
టైటిల్ ఫేవరెట్‌ రెండో సీడ్ రఫెల్‌ నాదల్‌ (స్పెయిన్‌) 6-1, 6-3, 4-6, 6-3తో డేవిడ్‌ గోఫిన్‌ (బెల్జియం)ను ఓడించాడు. తొలి రెండు సెట్లు అలవోకగా గెలిచిన రఫా.. మూడో సెట్‌ను అనూహ్యంగా ఓడిపోయాడు. కానీ నాలుగో సెట్లో పుంజుకున్న ఈ స్పెయిన్‌ స్టార్.. సెట్‌తో పాటు మ్యాచ్‌ను దక్కించుకున్నాడు. ఏడో సీడ్ నిషికొరి (జపాన్‌) కొద్దిలో ఓటమి నుంచి తప్పించుకున్నాడు. అతను 6-4, 6-7 (6-8), 6-3, 4-6, 8-6తో లాస్లో డెరె (సెర్బియా)పై చెమటోడ్చి గెలిచాడు. పౌలీ (ఇటలీ), బెన్నెట్‌ పైర్‌ (ఫ్రాన్స్‌) కూడా ప్రీక్వార్టర్స్‌లో ప్రవేశించారు.
అప్పుడు తండ్రిపై...ఇప్పుడు తనయుడిపై