యూఎస్​ ఓపెన్​: బోపన్న ముందుకు.. లియాండర్​ ఇంటికి

యూఎస్​ ఓపెన్​ పురుషుల డబుల్స్​లో భారత్​కు మిశ్రమ ఫలితాలు ఎదురయ్యాయి. శుక్రవారం అర్ధరాత్రి జరిగిన మ్యాచ్​ల్లో రోహన్​ బోపన్న జోడీ రెండో రౌండ్​ చేరింది. లియాండర్​ పేస్ ద్వయం తొలి రౌండ్​లోనే ఇంటిముఖం పట్టింది.

ప్రతిష్టాత్మక యూఎస్​ ఓపెన్​ పురుషుల డబుల్స్​లో భారత్​కు మిశ్రమ ఫలితాలు ఎదురయ్యాయి. భారత సీనియర్​ క్రీడాకారుడు రోహన్​ బోపన్న-షపోవలోవ్​ ద్వయం రెండో రౌండ్​కు చేరింది. బోపన్న తన తోటి కెనడా ఆటగాడు షపోవలోవ్​తో కలిసి నాలుగో సీడ్​ ఫ్రెంచ్​ జోడీ పియర్​-నికోలస్​ ద్వయంతో తలపడ్డాడు. ఈ మ్యాచ్​ను 6-3, 6-1 తేడాతో గెలిచిందీ జోడీ. శుక్రవారం అర్ధరాత్రి జరిగిన ఈ మ్యాచ్​ 55 నిమిషాల్లో ముగిసింది.

షపోవలోవ్​(కెనడా)-బోపన్న(భారత్​)

మరో జోడీ లియాండర్​ పేస్-​గల్లెర్మో తొలి రౌండ్​లోనే నిష్క్రమించారు. వీరు మియోమిర్​-కాస్పర్​ చేతిలో 5-7, 2-6 తేడాతో ఓటమిపాలై ఇంటిముఖం పట్టారు.

ఇదీ చదవండి...యూఎస్ ఓపెన్: బాలుడిని బుజ్జగించిన నాదల్