2022 బర్మింగ్హామ్ కామన్వెల్త్ పోటీల్లో భారత్ పాల్గొనాలని కోరింది కామన్వెల్త్ ఫెడరేషన్(సీజీఎఫ్). సమస్యలను పరిష్కరించేందుకు సాయపడతామని భారత ఒలింపిక్ సంఘానికి చెప్పింది. ఈ విషయాన్ని సీజీఎఫ్ ప్రతినిధి టామ్ డేగన్ ఈమెయిల్ ద్వారా తెలిపారు.
"కామన్వెల్త్ క్రీడల్లో భారత్ పాల్గొనాలని మేము మనస్ఫూర్తిగా కోరుకుంటున్నాం. భవిష్యత్తులో జరగబోయే సమావేశాలకు హాజరై తమ సమస్యలు, లక్ష్యాల గురించి చర్చించాలి. భారత్ నిర్ణయం మాకు నిరాశ కలిగించింది". -టామ్ డేగన్, సీజీఎఫ్ ప్రతినిధి