Stampede At Soccer Stadium: 'ఆఫ్రికన్ కప్'లో భాగంగా.. సెంట్రల్ ఆఫ్రికా దేశం కామెరూన్లో నిర్వహించిన సాకర్ పోటీల్లో విషాదం జరిగింది. స్టేడియం బయట తొక్కిసలాట జరిగి ఆరుగురు మృతిచెందారు. అనేక మంది గాయపడ్డారు. క్షతగాత్రులను ఆస్పత్రికి తరలించారు అధికారులు.
ఆతిథ్య జట్టు ఆటను చూసేందుకు పరిమితికి మించి ప్రేక్షకులు వచ్చారు. దీంతో అధికారులు స్టేడియం గేట్లు మూసివేశారు. ఈ క్రమంలో బయట తొక్కిసలాట జరిగినట్లు అధికారులు తెలిపారు. మృతుల సంఖ్య మరింత పెరిగే అవకాశం ఉందని కామెరూన్ గవర్నర్ నసేరి పౌల్ బియా అభిప్రాయపడ్డారు.
కామెరూన్ రాజధాని యోండేలోని ఓలెంబ్ స్టేడియంకు భారీగా ప్రేక్షకులు వచ్చారు. కొవిడ్ ఆంక్షలు ఉన్నా దాదాపు 50వేల మంది వచ్చినట్లు అధికారులు తెలిపారు.