టోక్యో గడ్డపై 'మువ్వన్నెల జెండా రెపరెపలు'

టోక్యో ఒలింపిక్స్​ పరేడ్​లో 19మంది అథ్లెట్లతో పాటు ఆరుగురు అధికారులతో భారత బృందం పాల్గొంది. భారత బృందానికి.. బాక్సర్​ మేరీకోమ్​, హాకీ పురుషుల జట్టు కెప్టెన్​ మన్​ప్రీత్​ సింగ్​ కలిసి మువ్వన్నెల జెండాను చేతపట్టి ముందుండి నడిచారు.

32వ ఒలింపిక్​ గేమ్స్​ శుక్రవారం సాయంత్రం అట్టహాసంగా ప్రారంభమయ్యాయి. జపాన్​ చక్రవర్తి నరుహిటోతో పాటు అంతర్జాతీయ ఒలింపిక్​ కమిటీ అధ్యక్షుడు థామస్​ బాచ్​ విశ్వక్రీడలను ప్రారంభించారు. ఆ తర్వాత జరిగిన వేడుకల్లో భాగంగా.. టోక్యో గడ్డ మీద మువ్వన్నెల జెండా రెపరెపలాడింది.

పరేడ్​లో భారత బృందం

పరేడ్​లో భారత బృందం

మేరీకోమ్​, మన్​ప్రీత్​ సింగ్​

ఒలింపిక్​ గేమ్స్​లో పాల్గొనే దేశాల క్రీడాకారులు పరేడ్​ నిర్వహించడం అనవాయితీ. అయితే ఈ పరేడ్​లో ఆధునిక ఒలింపిక్స్​ పుట్టిన దేశమైన గ్రీస్​ బృందం వరుసలో ముందు ఉంది. ఆ తర్వాత జపాన్​ భాషలో అల్ఫాబెటికల్​ ఆర్డర్​ ప్రకారం టీమ్స్​ పరేడ్​లో పాల్గొన్నాయి. ఈ పరేడ్​లో భారత్​ తరఫున 19 మంది అథ్లెట్లు, ఆరుగురు అధికారులు పాల్గొన్నారు. ఆరుసార్లు ప్రపంచ బాక్సింగ్​ ఛాంపియన్​గా నిలిచిన మేరీ కోమ్​, హాకీ టీమ్​ కెప్టెన్​ మన్​ప్రీత్​ సింగ్​ మన జాతీయ జెండాతో బృందాన్ని ముందుండి నడిపించారు.

టోక్యో ఒలింపిక్స్​ ప్రారంభం నేపథ్యంలో జపాన్​ ప్రధానమంత్రి యోషిహిదే సుగాకు మోదీ శుభాకాంక్షలు తెలిపారు. ఈ విశ్వక్రీడల ద్వారా ప్రపంచపు ఉత్తమ క్రీడాకారుల ప్రదర్శన చూసేందుకు ఆసక్తిగా ఉన్నట్లు ఆయన ట్విట్టర్​లో పేర్కొన్నారు. ఆ తర్వాత ఒలింపిక్స్​ పరేడ్​లో భారత బృందాన్ని వర్చువల్​గా వీక్షించిన ఆయన.. ఈ సందర్భంగా క్రీడాకారులకు శుభాకాంక్షలు తెలియజేశారు. మరోవైపు కేంద్ర క్రీడాశాఖ మంత్రి అనురాగ్​ ఠాకూర్​తో పాటు పలువురు ఒలింపిక్​ మాజీ క్రీడాకారులు వర్చువల్​గా వీక్షించారు.

ఇదీ చూడండి..Tokyo Olympics: అట్టహాసంగా ఆరంభోత్సవం