'టోక్యో ఒలింపిక్స్ కోసం భారత్ రె'ఢీ''

టోక్యో ఒలింపిక్స్​లో పాల్గొనడానికి భారత అథ్లెట్లు సిద్ధంగా ఉన్నారని కేంద్ర క్రీడల శాఖ మంత్రి కిరన్ రిజిజు తెలిపారు. ప్రతి భారతీయుడు ముందుకొచ్చి వారికి మద్దతు ప్రకటించాలని మంత్రి పేర్కొన్నారు.

రానున్న టోక్యో ఒలింపిక్స్(Tokyo Olympics)​లో భారత్​ నుంచి పాల్గొననున్న అథ్లెట్ల ప్రదర్శన పట్ల విశ్వాసం వ్యక్తం చేశారు కేంద్ర యువజన వ్యవహారాలు, క్రీడల మంత్రి కిరన్ రిజిజు(Kiren Rijiju). ఒలింపిక్స్​లో పాల్గొనడానికి భారత్​ సంసిద్ధంగా ఉందని తెలిపారు.

ఈ మెగా ఈవెంట్​కు అర్హత సాధించిన అథ్లెట్లలో ఉత్సాహాన్ని నింపడానికి ప్రతి భారతీయుడు ముందుకు రావాలని రిజిజు కోరారు. ఇందుకు సంబంధించి ఓ వీడియోను ట్విట్టర్​లో పంచుకున్నారు మంత్రి.

"ఈ విపత్కర సమయంలో దేశం కోసం ఒలింపిక్స్​లో ఆడటానికి వెళ్తున్నా.. అథ్లెట్లను ఉత్సాహాపరచడానికి.. ప్రతి భారతీయుడు ముందుకు రావాలి. అవును, ఈ మెగా ఈవెంట్​లో పాల్గొని.. విజయవంతమవడానికి ఇండియా సిద్ధంగా ఉంది."

-కిరన్ రిజిజు, యువజన వ్యవహారాలు, క్రీడల మంత్రి.

ఒలింపిక్స్​కు ముందు ప్రతిష్ఠాత్మక ఈవెంట్​లో పాల్గొనే ఆటగాళ్లందరికీ టీకాలు ఇవ్వడానికి సిద్ధమని భారత ఒలింపిక్​ సంఘం స్పష్టం చేసింది. ఇందులో కొంత మంది ఇప్పటికే తొలి డోసును తీసుకున్నారని.. మరికొందరు రెండో డోసును కూడా పూర్తి చేసుకున్నారని తెలిపింది.

ఇదీ చదవండి:'ఒలింపిక్స్‌ స్ట్రెయిన్‌' ఆవిర్భావం తప్పదు!