2020 ఏఎఫ్సీ అండర్-23 టోర్నీ క్వాలిఫయర్ మ్యాచ్లో అనూహ్యంగా గెలిచిందో జట్టు. మ్యాచ్ 81వ నిమిషం వరకూ 0-0తో సమానంగా ఉన్నాయి మలేసియా, లావోస్ జట్లు. అనంతరం లభించిన ఫ్రీకిక్ను సద్వినియోగం చేసుకున్న మలేసియా గోల్ నమోదు చేసింది. అయితే.. ఇందులో గొప్పేముందంటారా? గోల్ వచ్చిన తీరు చూస్తే మీకే అర్థమవుతుంది.
చివరి నిమిషాల్లో అనూహ్యం.. నిరాశలో గోల్కీపర్ సఫావీ రషీద్ కొట్టిన ఫ్రీకిక్.. లావోస్ గోల్ కీపర్ తప్పిదంతో గోల్ పోస్ట్లోకి వెళ్లింది. తొలుత గోల్ పోస్ట్.. పోల్కు తాకి వెనక్కి వచ్చేదే. కానీ, దురదృష్టవశాత్తు కీపర్ వెనుక భాగంలో తాకి పోస్ట్లోకి వెళ్లిపోయింది. బంతిని అడ్డుకున్న కీపర్ కూడా ఈ సంఘటనను ఊహించలేదు. మలేసియా 1-0తో ఆధిక్యంలోకి వెళ్లింది. అనంతరం మ్యాచ్ను గెల్చుకుంది. ఇంకేముంది సంబరాల్లో మలేసియా... నిరాశలో లావోస్.
