ఆసియా ఛాంపియన్​షిప్​: అమిత్​ పంగాల్​కు రజతం

ఆసియా బాక్సింగ్​ ఛాంపియన్​షిప్​ ఫైనల్లో భారత బాక్సర్​ అమిత్​ పంగాల్​కు నిరాశ ఎదురైంది. సోమవారం జరిగిన టోర్నీ తుదిపోరులో షాఖోబిదిన్​ జోయిరోవ్​(ఉజ్బెకిస్థాన్​)పై ఓడిపోయి.. రజత పతకాన్ని గెలుచుకున్నాడు.

దుబాయ్​ వేదికగా జరుగుతోన్న ఆసియా బాక్సింగ్​ ఛాంపియన్​షిప్​ ఫైనల్లో డిఫెండింగ్​ ఛాంపియన్​ అమిత్ పంగాల్(52 కిలోలు)​కు నిరాశే మిగిలింది. సోమవారం టోర్నీ ఫైనల్​లో ఉజ్బెకిస్థాన్​కు చెందిన షాఖోబిదిన్​ జోయిరోవ్​పై 2-3 తేడాతో ఓటమి పాలయ్యాడు. తుది పోరులో ఓటమిపాలైన అమిత్​ పంగాల్​కు రజత పతకం దక్కింది.

మ్యాచ్​ ఫలితంపై రివ్యూ

అయితే ఈ మ్యాచ్​లో అమిత్​ పంగాల్​ ఓటమిపై భారత్​ రివ్యూ కోరింది. మ్యాచ్​లోని రెండో రౌండ్​లో అమిత్​ పంగాల్​కు రావాల్సిన పాయింట్లపై రివ్యూ కోరినట్లు బాక్సింగ్​ ఫెడరేషన్​ ఆఫ్ ఇండియా ట్వీట్​ చేసింది.

ఇదీ చూడండి:ఆసియా ఛాంపియన్​షిప్​లో​ మేరీకోమ్​కు రజతం