ఉసేన్ బోల్ట్​ రికార్డు బ్రేక్ చేసిన మహిళా స్ప్రింటర్​

ప్రపంచ అథ్లెటిక్స్​ ఛాంపియన్​షిప్​లో ఉసేన్ బోల్ట్ రికార్డు బ్రేక్ అయింది. ఈ టోర్నీలో అమెరికాకు చెందిన అలిసన్ ఫెలిక్స్ 12 స్వర్ణాలు నెగ్గి ఉసేన్ బోల్ట్​ను(11) వెనక్కినెట్టింది. దోహా వేదికగా జరుగుతున్న ప్రపంచ ఛాంపియన్​షిప్​ 4x400 మిక్స్​డ్​ రిలేలో పసిడి కైవసం చేసుకుని బోల్ట్​ను అధిగమించింది.

జమైకా చిరుత ఉసేన్ బోల్ట్​ రికార్డు బ్రేక్ చేయడం సాధ్యమా? అయితే తొమ్మిదేళ్ల పాటు అథ్లెటిక్స్​లో తన హవాను కొనసాగించిన బోల్ట్​ రికార్డు బద్దలైంది. ప్రపంచ అథ్లెటిక్స్​ ఛాంపియన్​షిప్​లో 12 స్వర్ణాలు దక్కించుకుని బోల్ట్​ను వెనక్కినెట్టింది అమెరికాకు చెందిన అలిసన్ ఫెలిక్స్. జమైకా చిరుత 11 స్వర్ణాలతో ఆమె తర్వాత స్థానంలో ఉన్నాడు.

దోహా వేదికగా జరుగుతున్న ప్రపంచ అథ్లెటిక్స్ ఛాంపియన్​షిప్​ 4X400 మిక్స్​డ్ రిలేలో స్వర్ణ పతకంతో బోల్ట్​ను అధిగమించింది అలిసన్. అమెరికా మిక్స్​డ్ రిలే జట్టు 3 నిమిషాల 9.34 సెకన్లలో పరుగును పూర్తి చేసి ప్రపంచ రికార్డు నెలకొల్పింది. ఈ పోటీలో భారత జట్టు ఏడో స్థానంలో నిలిచి పతకం సాధించడంలో విఫలమైంది.

పదినెలల క్రితమే ఓ బిడ్డకు జన్మనిచ్చిందీ అమెరికా స్ప్రింటర్. పరుగు సమయంలో కుమార్తే కామ్రిన్ కూడా స్టేడియంలో ఉంది. తల్లయిన తర్వాత ఆమెకు ఇదే మొదటి స్వర్ణం.

ప్రపంచ అథ్లెటిక్స్ ఛాంపియన్​షిప్​ 200 మీటర్ల రేసులో ఫెలిక్స్​ మూడు స్వర్ణాలు గెలుచుకోగా.. 400 మీటర్ల విభాగంలో ఓ బంగారు పతకం సాధించింది. 4X100 మీటర్ల మహిళల రిలేలో మూడు స్వర్ణాలను.. తాజా పతకంతో కలిపి 4X400 మిక్స్​డ్​ రిలేలో ఐదు పసిడి పతకాలను కైవసం చేసుకుంది. మొత్తం 12 స్వర్ణాలను ఖాతాలో వేసుకుంది.

ఇదీ చదవండి: 'ధోనీ గురించి కాదు.. దేశం గురించి ఆలోచించాలి'