ఫుట్బాల్.. ప్రపంచవ్యాప్తంగా ఈ ఆటకున్న క్రేజే వేరు. ఒక్క గోల్ కొట్టాలంటే ఇరు జట్ల ఆటగాళ్లు చెమటలు చిందిల్సాందే. ఈ కోర్టు నుంచి బంతిని అవతలి కోర్టులోని గోల్పోస్ట్కు సమీపంగా గోల్ కొట్టడం మాములు విషయం కాదు. అలాంటిది 68 గజాల దూరం నుంచి బంతిని ప్రత్యర్థి గోల్ పోస్ట్లోకి పంపాడు ఇంగ్లాండ్ ప్లేయర్ వేస్ రూనీ. ప్రస్తుతం ఈ వీడియో వైరల్ అవుతోంది.
లాస్ ఏంజెల్స్ వేదికగా మేజర్ సాకర్లీగ్లో ఓర్లాండోతో జరిగిన మ్యాచ్లో డీసీ యునైటెడ్ ఆటగాడు వేస్ రూనీ ఈ ఘనత సాధించాడు. తన కోర్టులో నుంచి ప్రత్యర్థి కోర్టులోని గోల్ పోస్ట్లో గోల్ కొట్టాడు. ఆటగాళ్లంతా డీసీ జట్టు కోర్టులో ఉండడం గమనించిన రూనీ తెలివిగా గోల్ చేశాడు. ఆ సమయంలో ప్రత్యర్థి గోల్ కీపర్ బ్రియన్ రోవె సైతం గోల్పోస్ట్కు దూరంగా ఉన్నాడు. ఈ గోల్కు మంత్రముగ్ధులైన అభిమానులు కేరింతలు కొట్టారు. అనంతరం సామాజిక మాధ్యమాల్లో ప్రశంసల వర్షం కురిపించారు.