అత్యధికంగా ఆర్జిస్తున్న ఫుట్​బాలర్​గా​ రొనాల్డో

ప్రపంచంలో అత్యధికంగా ఆర్జిస్తున్న ఫుట్​బాల్​ ఆటగాళ్లలో క్రిస్టియానో రొనాల్డో ముందున్నాడు. కరోనా కారణంగా ప్లేయర్ల జీతాల్లో కోతలు విధించినప్పటికీ అతడు తొలి స్థానంలోనే కొనసాగుతున్నాడు.

పోర్చుగీస్​ ఫుట్​బాల్​ స్టార్​ ప్లేయర్​ క్రిస్టియానో రొనాల్డో దశాబ్ద కాలంలో జట్టుకు ఎన్నో విజయాలు అందించాడు. ప్రస్తుతం అత్యధికంగా ఆర్జిస్తోన్న ఫుట్​బాలర్లలో తొలిస్థానంలో ఉన్నాడు. మెస్సీ,​ నెయిమర్​​ జూనియర్​లు ఇతడి తర్వాత ఉన్నారు. కరోనా కారణంగా ఫుట్​బాల్​ క్లబ్​ జువెెంటిస్ జీతాల్లో కోతలకు రొనాల్డో అంగీకరించాడు. అయినా ప్రపంచంలో అత్యధికంగా సంపాదిస్తోన్న ఫుట్​బాల్​ ఆటగాడిగా అతడి స్థానం పదిలంగానే ఉంది. ప్రపంచవ్యాప్తంగా ఎక్కువ ఆర్జిస్తున్న అథ్లెట్ల జాబితాలో టెన్నిస్​ స్టార్​ రోజర్​ ఫెదరర్​ అగ్రస్థానంలో ఉన్నాడు.

ఫోర్బ్స్​ నివేదిక ప్రకారం ఫుట్​బాల్​ సూపర్​స్టార్లు కరోనా కారణంగా వేతనాల్లో కోత ఎదుర్కొంటున్నారు. రెవెన్యూ లోటు వల్ల ఆటగాళ్ల జీతాల్లో కోతలు పెడుతున్నాయి క్లబ్​లు. 2019లో జీతాలతో పోల్చుకుంటే ఫుట్​బాల్​ ఆటగాళ్లకు ప్రస్తుతం 9 శాతం కోత విధించారు.

ఫుట్​బాల్​ ప్లేయర్లలో అత్యధికంగా ఆర్జించే వారు

1) క్రిస్టియానో రొనాల్డో - రూ.804.2 కోట్లు (రూ.450 కోట్ల జీతం, రూ.345.73 కోట్ల విలువైన ప్రకటనలు)

2) లియోనల్ మెస్సీ - రూ.774.14 కోట్లు (రూ.533 కోట్ల జీతం, రూ.232.9 కోట్ల విలువైన ప్రకటనలు)

3) నెయిమర్​ జూనియర్​ - రూ.706.5 కోట్లు (రూ.526 కోట్ల జీతం, రూ.180 కోట్ల విలువైన ప్రకటనలు)

ఇదీ చూడండి... ఖేల్​రత్నకు రాణి రాంపాల్​ నామినేట్