Warner Bag Stolen:ఆస్ట్రేలియా బ్యాటర్ డేవిడ్ వార్నర్ పాకిస్థాన్తో చివరి టెస్టు కోసం మెల్బోర్న్ నుంచి సిడ్నీ వెళ్తుండగా అతడి బ్యాగ్ చోరీకి గురైంది. ఆ బ్యాగ్లో గ్రీన్ క్యాప్ (టెస్టుల్లో అరంగేట్రం చేసినప్పుడు ఆస్ట్రేలియా ప్లేయర్లకు ఇచ్చేది), తన పిల్లల విలువైన వస్తువులు ఉన్నాయని వార్నర్ అన్నాడు. అయితే ఆ బ్యాగ్ ఎవరు తీసినా తిరిగి ఇచ్చేయాల్సిందిగా సోషల్ మీడియా ద్వారా కోరాడు.
'అందరికీ హాయ్! పాక్తో మూడో టెస్టు కోసం కొన్ని రోజుల క్రితం మెల్బోర్న్ నుంచి సిడ్నీకి వస్తుండగా నా బ్యాగ్ పోయింది. మా లగేజ్ ఎవ్వరూ ఓపెన్ చేసినట్లు సీసీ కెమెరాల్లో ఎక్కడా లేదని క్వాంటస్ (విమానం కంపెనీ) తెలిపింది. అయితే క్వాంటస్లో లేదా సిడ్నీ ఎయిర్పోర్టులో పనిచేసే వారు ఎవరైనా నా బ్యాగ్ తీసుకుంటే, దయచేసి తిరిగి ఇచ్చేయండి. మీకు బ్యాగ్ కావాలంటే అలాంటిదే నా దగ్గర ఇంకోటి ఉంది. అది ఇస్తాను. మీపై ఎలాంటి యాక్షన్ తీసుకోను. వీలైనంత తొందరగా ఇవ్వండి' అని వార్నర్ వీడియో పోస్ట్ చేశాడు.
అసలేంటీ గ్రీన్ క్యాప్: ఆస్ట్రేలియా ప్లేయర్లు ఎవరైనా జాతీయ జట్టుకు టెస్టుల్లో అరంగేట్రం చేసినప్పుడు, కిట్లో భాగంగా గ్రీన్ కలర్ క్యాప్ ఇస్తారు. అది వారికి ఒక గౌరవంగా ఎప్పటికీ ఉండిపోతుంది.