Virat Kohli Test Captaincy Record :టీమ్ఇండియా స్టార్ బ్యాటర్ విరాట్ కోహ్లీ బ్యాట్తోనే కాకుండా, నాయకుడిగాను జట్టుకు అనేక విజయాలు కట్టబెట్టాడు. ముఖ్యంగా తనకు ఎంతో ఇష్టమైన టెస్టుల్లో టీమ్ఇండియాను, దాదాపు ఏడేళ్లు విజయపథంలో నడిపించాడు. సరిగ్గా 9 ఏళ్ల కింద ఇదే రోజు (2014 డిసెంబర్ 9)న విరాట్ టీమ్ఇండియా టెస్టు పగ్గాలు చేపట్టాడు. అతడి కెప్టెన్సీలో జట్టు సాధించిన విజయాలేంటో తెలుసుకుందాం.
- విరాట్ కెప్టెన్సీలో టీమ్ఇండియా 68 మ్యాచ్లు ఆడింది. అందులో దాదాపు 58.52 శాతం సక్సెస్ రేట్తో 40 మ్యాచ్ల్లో విజయం సాధించింది. ఇందులో విదేశాల్లో సాధించిన విజయాలు 16. ఇక 17 మ్యాచ్ల్లో ఓడగా, 11 మ్యాచ్లు డ్రా గా ముగించింది. టీమ్ఇండియాకు టెస్టుల్లో అత్యధిక విజయాలు అందించిన కెప్టెన్గా నిలిచాడు విరాట్. ఈ లిస్ట్లో విరాట్ తర్వాత మహేంద్రసింగ్ ధోనీ (27 విజయాలు, 60 మ్యాచ్ల్లో) ఉన్నాడు.
- ఓవరాల్గా టెస్టుల్లో తమ జట్టుకు అత్యధిక విజయాలు అందించిన లిస్ట్లో విరాట్ నాలుగో స్థానంలో ఉన్నాడు. అతడికంటే ముందు, గ్రాహమ్ స్మిత్ (53), రికీ పాంటింగ్ (48), వాగ్ (41) ఉన్నారు.
- టెస్టు ఫార్మాట్లో విరాట్ కెప్టెన్గా 68 మ్యాచ్లు ఆడాడు. అందులో 54.80 సగటుతో 5764 పరుగులు చేశాడు. ఇందులో 20 సెంచరీలు, 17 హాఫ్ సెంచరీలు ఉన్నాయి. ఇక టెస్టు క్రికెట్లో 5 వేల పరుగుల మార్క్ అందుకున్న ఏకైక కెప్టెన్ విరాట్ కోహ్లీయే.
- విరాట్ కెప్టెన్సీలో టీమ్ఇండియా 2017-2021 వరకు వరుసగా ఐదేళ్లపాటు ఐసీసీ టెస్టు ర్యాంకింగ్స్లో నెం.1గా కొనసాగింది.
- టెస్టుల్లో అత్యధిక డబుల్ సెంచరీలు బాదిన కెప్టెన్ కూడా కోహ్లీనే. విరాట్ 7 సార్లు టెస్టుల్లో 200+ స్కోర్లు నమోదు చేశాడు. అతడి అత్యధిక వ్యక్తిగత స్కోర్ 254.
Virat Test Stats: విరాట్ కోహ్లీ కెరీర్లో 111 మ్యాచ్లు ఆడాడు. 49.3 సగటుతో 8676 పరుగులు చేశాడు. అందులో 29 సెంచరీలు, 29లు హాఫ్ సెంచరీలు ఉన్నాయి. ప్రస్తుతం విరాట్ 733 రేటింగ్స్తో ఐసీసీ ర్యాంకింగ్స్లో 13వ ప్లేస్లో కొనసాగుతున్నాడు.