టీమ్ఇండియా బ్యాట్స్మన్ సూర్యకుమార్ యాదవ్ రెండు నెలల తర్వాత తన భార్య దేవిషా శెట్టిని కలుసుకున్నాడు. ఈ జంట ప్రస్తుతం లండన్ వీధుల్లో చెట్టాపట్టాలేసుకుని తిరుగుతోంది. 65 రోజుల తర్వాత కలుసుకున్న ఈ జోడీ తమ విలువైన సమయాన్ని గడుపుతోంది.
సూర్యకుమార్ యాదవ్, దేవిషా శెట్టి సామాజిక మాధ్యమాల్లో చురుకుగా ఉంటారు. తమ ఫొటోలను షేర్ చేస్తూ అభిమానులకు దగ్గరగా ఉంటారు. తాజాగా ఇంగ్లాండ్లో ఇద్దరు కలిసి డ్యాన్స్ చేస్తున్న వీడియోను ఫ్యాన్స్తో పంచుకున్నారు. ఇప్పుడు ఇది వైరల్గా మారింది.
దేశవాళీ టోర్నీలతో పాటు ఐపీఎల్లో నిలకడగా రాణించిన సూర్య.. ఆ తర్వాత భారత జట్టులో చోటు సంపదించాడు. తొలుత టీ20ల్లో జట్టులోకి వచ్చిన అతడు.. శ్రీలంకతో సిరీస్లో వన్డేల్లోకి అరంగేట్రం చేశాడు. ఈ సిరీస్లో అదరగొట్టిన సూర్యకు ఇంగ్లాండ్లో ఉన్న టెస్టు జట్టు నుంచి పిలుపొచ్చింది. రిజర్వ్ ప్లేయర్గా తీసుకుంది. సుదీర్ఘ కాలం టీమ్ఇండియాలో చోటు కోసం పరితపించిన యాదవ్కు అనతికాలంలోనే మూడు ఫార్మాట్లలో ఆడే అవకాశం దక్కించుకున్నాడు.
ఇదీ చదవండి:MS Dhoni: కొత్త లుక్లో ధోనీ.. మురిసిపోతున్న ఫ్యాన్స్