Suresh Raina CSK: రైనాకు సీఎస్కే భావోద్వేగ వీడ్కోలు

Suresh Raina CSK: ఐపీఎల్​లో చెన్నై సూపర్​ కింగ్స్​(సీఎస్​కే) స్టార్​ బ్యాటర్​ సురేశ్​ రైనాకు భావోద్వేగ వీడ్కోలు పలికింది. సుదీర్ఘంగా సేవలందించిన రైనాకు ఈ ఏడాది ఐపీఎల్​ సీజన్​కు ముందే సాగనంపింది.

Suresh Raina CSK: చెన్నై సూపర్ కింగ్స్ (సీఎస్కే).. తమ చిరకాల బ్యాటర్ సురేశ్​ రైనాకు భావోద్వేగ వీడ్కోలు పలికింది. 2008లో ఐపీఎల్​ ప్రారంభమైనప్పటి నుంచి.. 2016, 2017 మినహా మిగిలిన అన్ని సీజన్లలోనూ సీఎస్​కేకు రైనా సేవలందించాడు. ఆ రెండు సీజన్లలో సీఎస్కేపై నిషేధం కారణంగా గుజరాత్​ లైయన్స్​ ఫ్రాంచైజీకి నేతృత్వం వహించాడు. అయితే గతేడాది దుబాయ్​లో జరిగిన ఐపీఎల్​ సీజన్​లో ఫ్రాంచైజీకి రైనాకు మధ్య విబేధాలు తలెత్తాయి. ఈ కారణంగానే చిన్నా తలాగా భావించే రైనాను సీఎస్​కే వదులుకున్నట్లు తెలుస్తోంది.

దీంతో ఇటీవల జరిగిన ఐపీఎల్ మెగా వేలంలో రైనా పాల్గొన్నాడు. అయితే ఫిట్‌నెస్ సమస్యలతో పాటు కొన్నేళ్లుగా ఫామ్​ కోల్పోయి.. బ్యాటింగ్​ చేయడంలో ఇబ్బందులు పడుతున్నాడు. ఫలితంగా రైనాను కొనుగోలు చేసేందుకు ఏ ఫ్రాంచైజీ సాహసం చేయలేదు. దీంతో ఈ ఏడాది ఐపీఎల్​ ప్రారంభానికి ముందే రైనాను భావోద్వేగంతో సాగనంపింది సీఎస్కే. ఈ మేరకు ఫ్రాంచైజీతో రైనాకు ఉన్న అనుబంధాన్ని ఓ వీడియో రూపంలో తన ఇన్​స్టాలో పోస్ట్ చేసింది.

Suresh Raina IPL Runs

ఐపీఎల్​లో చెన్నై జట్టు తరపున 176 మ్యాచ్​లు ఆడిన సురేశ్​ రైనా.. 32.32 సగటుతో 4687 పరుగులు చేశాడు. ఇందులో ఓ శతకం, 33 అర్ధ సెంచరీలు ఉన్నాయి. ఐపీఎల్​లో మొత్తం 205 మ్యాచ్​లు ఆడిన రైనా 5528 పరుగులు చేశాడు.

ఇదీ చూడండి:బధిరుల కోసం వన్డే సిరీస్​- బాగా ఆడితే సువర్ణావకాశం