Shahrukh Khan Rejected Bollywood Movie : సినిమా అన్నాక హిట్లు, ఫ్లాపులు కామ‌న్‌. ఎంత బడ్జెట్తో తెరకెక్కించినప్పటికీ.. కొన్నిసార్లు అవి బాక్సాఫీసు ద‌గ్గ‌ర మంచి ఫలితాలను అందుకోకపోవచ్చు. లేదా మిశ్రమ స్పందనతో వెనుదిరగచ్చు. అయితే కొన్ని సందర్భాల్లో మాత్రం త‌క్కువ బడ్జెట్తో రూపొందిన సినిమాలు భారీ క‌లెక్ష‌న్లు అందుకున్నాయి. ఇప్పుడు అలాంటి ఓ సినిమా గురించే చర్చ జరగుతోంది. దాదాపు రూ.120 కోట్ల పెట్టుబ‌డితో రూపొందిన ఈ మూవీ.. రూ.3 వేల కోట్ల ఆదాయాన్ని అందుకుంది. అయితే ఆ సినిమాను ఓ స్టార్ హీరో రిజెక్ట్ చేశారట. ఆయనెవరో కాదు బాలీవుడ్ బాద్షా షారుక్ ఖాన్.. ఆ సినిమా మరేదో కాదు.. ఒక్క సాంగ్తో భారత్కు ఆస్కార్ అందించిన 'స్లమ్‌డాగ్‌ మిలినీయర్‌ '.
Slumdog Millionaire Cast : జాతీయ, అంత‌ర్జాతీయంగా ఎన్నో అవార్డులు గెలుచున్న ఈ చిత్రంతో బాలీవుడ్ స్టార్ యాక్ట‌ర్ ఇర్ఫాన్ ఖాన్, అనిల్ కపూర్ లాంటి స్టార్స్ నటించారు. డానీ బోయిల్ అనే హాలీవుడ్ డైరెక్టర్.. ఈ సినిమాను రూ.124 కోట్ల బడ్జెట్తో రూపొందించారు. అయితే అప్పట్లో ఈ చిత్రాన్ని అనేక వివాదాలు చుట్టుముట్టాయి. అయినప్ప‌టికీ 2009 జనవరి 23న రిలీజైన ఈ మూవీ బాక్సాఫీస్ వ‌ద్ద బ్లాక్ బస్టర్గా నిలిచింది. రూ.3,145 కోట్లు వసూళ్లను అందుకుని అందరినీ ఆశ్చర్యపరిచింది. విడుద‌లైన అనతి కాలంలోనే అందరి దృష్టిని ఆకర్షించింది. అంతే కాకుండా జయ్హో సాంగ్తో ప్రతిష్టాత్మక ఆస్కార్ను అందుకుని.. అంతర్జాతీయ స్థాయిలో మన సినిమాల సత్తా ఏంటో చాటింది.