దక్షిణాఫ్రికా పేసర్ లుంగి ఎంగిడికి(Lungi Ngidi News) కొవిడ్ పాజిటివ్గా నిర్ధరణ అయింది. ఈ నేపథ్యంలో నెదర్లాండ్స్తో జరగనున్న వన్డే సిరీస్కు దూరమవుతున్నట్లు బుధవారం పేర్కొన్నాడు. ఎంగిడి స్థానంలో పేసర్ జూనియర్ దాలాను జట్టులోకి తీసుకున్నట్లు క్రికెట్ సౌతాఫ్రికా పేర్కొంది.
"కొవిడ్ కారణంగా లుంగి ఎంగిడి మూడు మ్యాచ్ల వన్డే సిరీస్కు దూరమవ్వాల్సి వచ్చింది. ప్రస్తుతం అతడు కొవిడ్ నిబంధనలు పాటిస్తూ ఐసోలేషన్లో ఉన్నాడు. మెడికల్ బృందం పర్యవేక్షణలో అతడికి అన్ని ఏర్పాట్లు కల్పించాం. ఎంగిడి స్థానంలో జూనియర్ దాలా జట్టులో ఆడనున్నాడు." అని క్రికెట్ సౌతాఫ్రికా తమ అధికారిక ప్రకటనలో పేర్కొంది.